________________
Shri Mahavir Jain Aradhana Kendra
www.kobabirth.org
Acharya Shri Kailashsagarsur Gyanmandir
||चक्कझ्याणं जाव असतं सेयाणं चउविसाणाणं णागवरकेऊणं, एवामेव सपुव्वावरेणं विजयाए रायहाणीए एगमेगे दारे आसीत|| २ केउसहस्सं भवतीतिभक्खायं, विजयाए णं रायहाणीए एगमेगे दारे तेसिं णं दाराणं पुरओ सत्तरस भोमा पं०, तेसिं णं भोमाणं भूमिभागा उल्लोया (य) उमलया० भत्तिचित्ता, तेसिं णं भोमाणं बहुमझदेसभाए जे ते नवमनवमा भोमा तेसिं णं भोमाणं बहुमझदेसभाए पत्तेयं २ सीहासणा पं० सीहासणवण्णओ जाव दामा जहा हेढा, एत्थ णं अवसेसेसु भोमेसु पत्तेयं २ भद्दासणा पं०, तेसिं णं दाराणं उत्तिमा ( उवरिमा) गारा सोलसविधेहिं रयणेहिं उवसोभिया तं चेव जाव छत्ताइच्छत्ता, एवामेव सपुव्वारेणं विजयाए रायहाणीए पंच दारसता भवंतीतिमक्खाया।१३६। विजयाए णं रायहाणीए चउहिसिं पंचजोयणसताई णं चत्तारि वणसंड। पं० २०-असोगवणे सत्तवण्णवणे चंपगवणे पुरथिमेणं असोगवणे दाहिणेणं सत्तवण्णवणे पच्चस्थिमेणं चंपगवणे उत्तरेणं चूतवणे, ते णं वणसंडा साइरेगाई दुवालस जोयणसहस्साई विक्खंभेणं पत्तेयं २ पागारपरिक्खित्ता किण्हा किण्होभासा वणसंडवण्णओ भाणियव्वो जाव बहवे वाणमंतरा देवा य देवीओ य आसयंति सयंति चिटुंति णिसिदंति तुयभृति रमंति ललंति कीलंति मोहंति पुरापोराणाणं सुचिण्णाणं सुरक्ताणं सुभाणं कडाणं कमाणं कलाणं फलवित्तिविसेसं पच्चणुभवमाणा विहरंति, तेसिं णं वणसंडाणं बहुमझदेसभाए पत्तेयं २ पासायवडिंसगा पं०, ते णं पासायवडिंसगा बावडिं जोयणाई अद्धजोयणं च उड्ढउच्चत्तेणं एकतीसं जोयणाई कोसं च आयामविक्खंभेणं अब्भुग्गतमूसिया तहेव जाव अंतो ॥ श्री जीवाजीवाभिगम् ॥
पू. सागरजी म. संशोधित
For Private And Personal
