________________
Shri Mahavir Jain Aradhana Kendra
www.kobatirth.org
संपरिवुडे विहरामि तए णं मम गगरगुत्तिया ससक्खं सलोद्धं सगेवेज्जं अवउडगबंधणबद्धं चोरं उवणेंति, तए णं अहं तं पुरिसं जीवंतं चेव अओकुंभीए पक्खिवावेमि अओमएणं पिहाणएणं पिहावेमि अएण य तउएण य आयावेमि आयपच्चइएहिं पुरिसेहिं रक्खावेमि, तए णं अहं अण्णया कयाई जेणामेव सा अओकुंभी तेणामेव उवागच्छामि त्ता तं अओकुंभीं उग्गलच्छावेमि त्ता तं पुरिसं सयमेव पासामि णो चेव णं तीसे अयकुंभीए केई छिड्डेइ वा विवरेइ वा अंतरेइ वा राई वा जओ णं से जीवे अंतोहितो बहिया णिग्गए जड़ णं भंते! तीसे अओकुंभीए होज्जा केई छिड्डे वा जाव राई वा जओ णं से जीवे अंतोहिंतो बहिया णिग्गए तो णं अहं सद्दहेज्जा पत्तिएज्जा रोएज्जा जहा अन्नो जीवो अन्नं सरीरं नो तंजीवो तंसरीरं, जम्हा णं भंते! तीसे अओकुंभीए णत्थि केई छिड्डे वा जाव निग्गए तम्हा सुपतिट्ठिया मे पन्ना जहा तंजीवो तंसरीरं नो अन्नो जीवो अन्नं सरीरं, तए णं केसी कुमारसमणे पएसिं रायं एवं व०पएसी ! से जहानामए कूडागारसाला सिया दुहओलित्ता गुत्ता गुत्तदुवारा णिवाया णिवायगंभीरा, अह णं केई पुरिसे भेरिं च दंड च गहाय कूडागारसालाए अंतो २ अणुष्यविसइ ता तीसे कूडागारसालाए सव्वतो समंता घणनिचियनिरंतर णिच्छिड्डाई दुवारवयणाई पिहेड़, तीसे कूडागारसालाए बहुमज्झदेसभाए ठिच्चा तं भेरिं दंडएणं महया २ सद्देणं तालेज्जा से गूणं पएसी ! से सद्दे णं अंतोहिंतो बहिया निग्गच्छइ ?, हंता णिग्गच्छइ, अत्थि णं पएसी ! तीसे कूडागारसालाए केई छिड्डे वा जाव राई वा जओ णं से सद्दे अंतोहिंतो बहिया णिग्गए?, नो तिणट्टे समट्टे, एवामेव पएसी जीवेवि अप्पडिहयगई पुढविं भिच्चा सिलं भेच्चा पव्वयं भिच्चा अंतोहिंतो बहिया ॥ શ્રી રાનપ્રશ્નીયોપાંમ્ ૫/
पू. सागरजी म. संशोधित
८५
Acharya Shri Kailassagarsuri Gyanmandir
For Private and Personal Use Only
