________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| गिण्हंति तहेव जेणेव हरिवासरम्भगवासाई जेणेव हरिहरिकंतनरनारीकंताओ महाणईओ तेणेव उवागच्छंति तहेव जेणेव|| गंधावइमालवंतपरियाया वट्टवेयड्ढपव्वया तेणेव तहेव जेणेव णिसढणीलवंतवासघरपव्वया तहेव जेणेव तिगिच्छिकेसरिदहा तेणेव उवागच्छंति त्ता तहेव जेणेव महाविदेहे वासे जेणेव सीतासीतोदा महाणदीओ तेणेव तहेव जेणेव सव्वचक्रवट्टिविजया जेणेव सव्वमागहवरदामपभासाई तित्थाई तेणेव उवागच्छंति त्ता तित्थोदगं गेण्हंति त्ता जेणेव सव्वंतरणईओ जेणेव सव्ववक्खारपव्व्या तेणेव उवागच्छंति सचतुथरे तहेव जेणेव मंदरे पव्वते जेणेव भद्दसालवणे तेणेव उवागच्छंति सव्वतुयरे सव्वपुष्फे सव्वमल्ले सव्वोसहिसिद्धत्थए य गेहंति त्ता जेणेव णंदणवणे तेणेव उवागच्छंति ना सव्वतुयरे जाव सव्वोसहिसिद्धत्थए य सरसगोसीसचंदणं गिण्हंति त्ता जेणेव सोमणसवणे तेणेव उवागच्छंति सव्वतुरे जाव सव्वोसहिसिद्धत्थए य सरसगोसीसचंदणं च दिव्वं च सुमणदाम ददरमलयसुगंधिए य गंधे गिण्हंति त्ता एगतो मिलायंति त्ता ताए उक्किद्वाए जाव जेणेव सोहम्मे कप्पे जेणेव सूरियाभे विमाणे जेणेव अभिसेयसभा जेणेव सूरियाभे देवे तेणेव उवागच्छंति त्ता सूरियाभं देवं करयलपरिगहियं० सिरसावत्तं मत्थए अंजलिं कटु जएणं विजएणं वद्धाविति त्ता तं महत्थं महग्धं महरिहं विउलं इंदाभिसेयं उवट्ठति, तए णं तं सूरियाभं देवं चत्तारि सामाणियसाहस्सीओ चत्तारि अगमहिसीओ सपरिवारातो तिनि परिसाओ सत्त अणियाहिवईणो जाव अन्नेवि बहवे सूरियाभविभाणवासिणो देवा य देवीओ य तेहिं साभाविएहि य वेविएहि य वरकमलपइट्ठाणेहि य सुरभिवरवारिपडिपुत्रेहिं चंदणक्यचच्चएहिं आविद्धकंठेगुणेहिं ॥ श्री राजप्रश्रीयोपांगम् ॥
पू. सागरजी म. संशोधित
For Private and Personal Use Only
