________________
Shri Mahavir Jain Aradhana Kendra
www.kobatirth.org
| १४१ । तए णं से सूरियाभे देवे तेसिं सामाणियपरिसोववन्नगाणं देवाणं अंतिए एयमहं सोच्चा निसम्म हट्ठतुट्ठजावहयहियए सयणिज्जाओ अब्भुट्टेति ता उववायसभाओ पुरच्छिमिल्लेणं दारेणं निग्गच्छइ जेणेव हरए तेणेव उवागच्छति ता हरयं अणुपयाहिणी करेमाणे पुरच्छिमिल्लेणं तोरणेणं अणुपविसइ ना पुरच्छिमिल्लेणं तिसोवाणपडिरूवएणं पच्चोरुहइ ता जलावगाहं० जलमजणं० जलकिड्ड ० जलाभिसेयं करेड़ ता आयंते चोक्खे परमसुईभूए हरयाओ पच्चोत्तरइ ना जेणेव अभिसेयसभा तेणेव उवागच्छति ना अभिसेयसभं अणुपयाहिणीकरेमाणे पुरच्छिमिल्लेणं दारेणं अणुपविसइ त्ता जेणेव सीहासणे तेणेव उवागच्छइ त्ता सीहासणवरंगए पुरत्याभिमुहे सन्निसन्ने, तए णं सूरियाभस्स देवस्स सामाणियपरिसोववन्नगा देवा अभिओगिए देवे सद्दावेति ता एवं व० - खिप्पामेव भो! देवाणुप्पिया ! सूरियाभस्स देवस्स महत्थं महग्घं महरिहं विउलं इंदाभिसेयं उवट्ठवेह, तए णं ते आभिओगिआ देवा सामाणियपरिसोववन्नेहिं देवेहिं एवं वृत्ता समाणा हट्टा जाव हिय्या करयलपरिग्गहियं० सिरसावत्तं मत्थए अंजलिं कट्टु एवं देवो! तहत्ति आणाए विणएणं वयणं पडिसुणंति त्ता उत्तरपुरच्छिमं दिसीभागं अवक्कमंति त्ता वेडव्वियसमुग्धाएणं समोहणंति ता संखेज्जाई जाव दोच्चपि वेउव्वियसमुग्धाएणं समोहणित्ता अट्ठसहस्सं सोवन्त्रियाणं कलसाणं अट्टसहस्सं रुष्पमयाणं कलसाणं अट्टसहस्सं मणिमयाणं कलसाणं अट्टसहस्सं सुवण्णरुप्पमयाणं कलसाणं अट्टसहस्सं सुवन्नमणिमयाणं कलसाणं अट्टसहस्सं रुप्पमणिमयाणं कलसाणं अट्ठसहस्सं सुवण्णरुप्पमणिमयाणं कलसाणं अट्ठसहस्सं भोमिज्जाणं कलसाणं, एवं भिंगाराणं आयंसाणं थालाणं पाईणं ॥ श्री राजप्रश्रीयोपांगम् ॥ पू. सागरजी म. संशोधित
४९
Acharya Shri Kailassagarsuri Gyanmandir
For Private and Personal Use Only
