________________
Shri Mahavir Jain Aradhana Kendra
www.kobatirth.org
सीहासणं सपरिवारं भाणियव्वं, अट्ठट्ठमंगलगा झया छत्ताइच्छत्ता, से णं मूलपासायवडेंसगे अण्णेहिं चउहिं पासायवडेंसए हिं तयद्धुच्चत्तम्पमाणमेत्तेहिं सव्वतो समंता संपरिक्खित्ते, ते णं पासायवडेंसगा अड्ढाइज्जाई जोयणसयाई उड्ढउच्चत्तेणं पणवीसं जोयणसयं विक्खंभेणं जाव वण्णओ, ते णं पासायवडिंसया अण्णेहिं चउहिं पासायवडिंसएहिं तयद्युच्चत्तष्यमाणमेत्तेहिं सव्वओ समंता संपरिक्खित्ता, ते णं पासायवडेंसया पणवीसं जोयणसयं उड्ढउच्चत्तेणं बावट्ठि जोयणाई अद्धजोयणं च विक्खंभेणं अब्भुग्गयमूसिय वण्णओ भूमिभागे उल्लोओ सीहासणं सपरिवारं भाणियव्वं अट्ठट्ठमंगलगा झया छत्तातिच्छत्ता, ते णं पासायवडेंसगा अण्णेहिं चउहिं पासायवडेंसएहिं तदद्धच्चत्तपमाणमेत्तेहिं सव्वतो समंता संपरिक्खित्ता, ते णं पासायवडेंसगा बावट्ठि जोयणाइं अद्धजोयणं च उड्ढउच्चत्तेणं एक्कतीसं जोयणाई कोसं च विक्खभेणं वण्णओ उल्लोओ सीहासणं सपरिवारं पासायउवरिं अट्ठट्ठमंगलगा झया छत्तातिच्छत्ता । ३५ । तस्स णं मूलपासायवडेंसयस्स उत्तरपुरच्छिमेणं एत्थ णं सभा सुहम्मा पं० एवं जोयणसयं आयामेणं पण्णासं जोयणाई विक्खंभेणं बावत्तरिं जोयणाई उड्ढउच्चत्तेणं अणेगखंभसयसंनिविट्ठा अब्भुग्यसुकयवयर वेइयातोरणवररइयसालिभंजियागा जाब अच्छरगणसंघविष्पकिण्णा पासादीया०, सभाए णं सुहम्माए तिदिसिं तओ दारा पं० तं०- पुरच्छिमेणं दाहिणेणं उत्तरेणं, ते णं दारा सोलस जोयणाई उड्ढउच्चत्तेणं अट्ठ जोयणाई विक्खंभेणं तावतियं चेव पवेसेणं सेया वरकणगथूभियागा जाव वणमालाओ, तेसिं णं दाराणं उवरिं अट्ठट्ठमंगलगा झ्या छत्ताइच्छत्ता, तेसिं णं दाराणं पुरओ पत्तेयं २ मुहमंडवा पं०, ते णं ॥ श्री राजप्रश्रीयोपांगम् ॥
पू. सागरजी म. संशोधित
४०
Acharya Shri Kailassagarsuri Gyanmandir
For Private and Personal Use Only
