________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
असंखेजाओ जोयणकोडाकोडीओ आयामविक्खंभेणं असंखेजाओ जोयणकोडाकोडीओ परिक्खेवेणं इत्थ णं सोहम्माणं देवाणं| बत्तीसं विमाणावाससयसहस्साई भवंतीति मक्खायं, ते णं विमाणा सव्वरयणामया अच्छ। जाव पडिरूवा, तेसिं णं विमाणाणं बहुमझदेसभाए पंच वडिंसया पं० २०-असोगवडिंसते सत्तवनवडिंसते चंपक्वडिंसते चूयगवडिंसते मज्झे सोहम्मवडिंसए, ते णं वडिंसगा सव्वरयणामया अच्छ। जाव पडिरूवा, तस्स णं सोहम्मवडिंसगस्स महाविमाणस्स पुरच्छिमेणं तिरियमसंखेजाई जोयणसयसहस्साइंवीइवइत्ता एत्थ्णं सूरियाभस्स देवस्ससूरियाभे नामं विमाणे पं० भद्धत्तेरस जोयणसयसहस्साई आयामविक्खंभेणं गुणयालीसं च सयसहस्साई बावनं च सहस्साई अद्ध य अडयाले जोयणसते परिक्खेवेणं, सेणंएगेणं पागारेणं सव्वओ समंता संपरिक्खित्ते, से णं पागारे तिनि जोयणसयाई उड्ढउच्चत्तेणं मूले एगं जोयणसयं विक्खंभेणं मझे पन्नासं जोयणाई विक्खंभेणं उप्पिं पणवीसं जोयणाई विक्खंभेणं मूले विच्छिन्ने मज्झे संखिंत्ते उपि तणुए गोपुच्छसंठाणसंठिए सव्वकणगामए अच्छे जाव पडिरूवे, से णं पागारे णाणाविहपंचवन्नेहिं कविसीसएहिं उवसोभिते तं०-किण्हेहिं नीलेहिं लोहितेहिं हालिदेहिं सुकिल्लेहि कविसीसएहि, ते णं कविसीसगा एगंजोयणं आयामेणं अद्धजोयणं विक्खंभेणं देसूणंजोयणं उड्ढंउच्चत्तेणं सव्वमणि (रयणा) मया अच्छा जाव पडिरूवा, सूरियाभस्सणं विमाणस्स एगमेगाए बाहाए दारसहस्सं २ भवतीति मक्खायं, ते णं दारा पंचजोयणसयाई उड्ढउच्चत्तेणं अड्ढाइजाई जोयणसयाई विक्खंभेणं तावइयं चेव पवेसेणं सेया वरणगथूभियागा इहामियउसमतुरगणरमगर॥ श्री राजप्रश्रीयोपांगम् ॥
| २७ ।
[पू. सागरजी म. संशोधित
For Private and Personal Use Only
