________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmander
दायगसुद्धेणं पडिगाहगसुद्धेणं तिविहेणं तिकरणसुद्धणं सुदत्ते अणगारे पडिलाभिते समाणे संसारे परित्तीकते मणुस्साउए निबद्धे || गिहंसि य से इमाइं पंच दिव्वाई पाउन्भूताई २०-वसुहारा वुढा दसद्धवण्णे कुसुमे निवतिते चेलुक्खेवे कते आहताओ देवदुंदुभीओ) अंतरावि यणं आगासंसि अहो दाणमहोदाणं धुढे य०, हत्थ्णिाउरे सिंघाडगजावपहेसु बहुजणो अण्णमण्णस्स एवं आइक्खइ०धण्णे णं देवा०! सुमुहे गाहावती जाव तं धण्णे णं देवाणु० सुमुहेगाहावई, तते णं से सुमुहे गाहावती बहूई वाससताई आउयं पालेति त्ता कालमासे कालं किच्चा इहेव हथिसीसए णगरे अदीणसत्तुस्स रण्णो धारिणीए देवीए कुच्छिसि पुत्तत्ताए उववण्णे, तते णं सा धारिणी देवी सथणिजसि सुत्तजागरा २ ओहीरमाणी २ तहेव सीहं पासति सेसं तं चेव जाव उप्पिं पासादे विहरति, तं एवं खलु गोतमा! सुबाहुणा इमा एयारूवा मणुस्सरिद्धी लद्धा०, पभूणं भंते! सुबाहुकुमारे देवाणु० अंतिए मुंडे भवित्ता आगाराओ अणगारियं पव्वइत्तए?, हंता पभू, तते णं से भगवं गोयमे समणं भगवं० वंदति नमंसति त्ता संजमेणं तवसा अपाणं भावेमाणे विहरति,तते णं से समणे भगवं० अण्णया कयाई हथिसीसाओ णगराओ पुष्फगउज्झाणाओ कतवणमालजक्खायतणाओ पडि० त्ता बहिया जणवयविहारं विहरति,तते णं से सुबाहू कुमारे समणोवासए जाते अभिगयजीवाजीवे जाव पडिलाभेमाणे विहरति, तते णं से सुबाहु कुमारे अण्णया कयाई चाउद्दसट्ठभुद्दिठ्ठपुण्णमासिणीसु जेमेव पोसहसाला तेणेव उवा० त्ता पोसहसालं पमजति त्ता उच्चारपासवणभूमिं पडिलेहति त्ता दब्भसंथारगं संथारेइ दब्भसं० दुरूहति अट्ठमभत्तं पगेण्हति पोसहसालाए पोसहिए अट्ठमभत्तिए ॥ श्री विपाकदशाङ्गम् ॥
| ६४
पू. सागरजी म. संशोधित
For Private And Personal
