________________
Shri Mahavir Jain Aradhana Kendra
Acharya Shri Kailashsagarsuri Gyanmandir
तते णं से अइमुत्ते कुमारे भगवं गोयमं अधूरसामतेणं वीतीवयमाणं पासति जेणेव भगवं गोयमे तेणेव उवागते भगवं गोयमं एवं व० के णं भंते ! तुब्भे किं वा अडह ?, तते णं भगवं गोयमे अइमुत्तं कुमारं एवं व०-अम्हे णं देवाणुपिया ! समणा णिग्गंथा ईरियासमिया जाव बंभयारी उच्चनीय जाव अडामो, तते णं अतिमुत्ते कुमारे भगवं गोयमं एवं व०-एह णं भंते ! तुब्भे जा णं अहं तुब्भं भिक्खं दवावेमीतिकटु भगवं गोयमं अंगुलीए गेण्हति त्ता जेणेव सते० तेणेव उवागते, तते णं सा सिरीदेवी भगवं गोयमं एजमाणं पासति ना हट्ट आसणातो अब्भुट्ठेति ता जेणेव भगवं गोयमे तेणेव उवागया भगवं गोयमं तिक्खुत्तो आयाहिणपयाहिणं वंदति ता विउलेणं असण० पडिविसज्जेति, तते गं से अतिमुत्ते कुमारे भगवं गोयमं एवं व० - कहिं णं भंते! तुब्भे परिवसह ?, त० भगव० अइमुत्तं कुमारं एवं व० एवं खलु देवाणुप्पिया! मम धम्मायरिए धम्मोवतेसते समणे भगवं महावीरे आदिकरे जाव संपाविउकामे इहेव पोलासपुरस्स नगरस्स बहिया सिविणे उज्जाणे अहापडि० उग्गहं० संजमेणं जाव भावेमाणे विहरति तत्थ णं अम्हे परिवसामो तते णं से अइमुत्ते कुमारे भगवं गोयमं एवं व०- गच्छामि णं भंते! अहं तुम्भेहिं सद्धिं समणं भगवं महावीरं पायवंदते?, अहासुहं० तते गं से अतिमुत्ते कुमारे भगवया गोतमेणं सद्धिं जेणेव समणे भगवं महावीरे तेणेव उवा० त्ता समणं भगवं महावीरं तिक्खुतो आयाहिणपयाहिणं करेति त्ता वंदति जाव पज्जुवासति, तते गं भगवं गोयमे जेणेव समणे भगवं महावीरे तेणेव उवागते जाव पडिदंसेति ता संजमे० तव० विहरति, त० समणे० अतिमुत्तस्स कुमारस्स तीसे य ॥ श्रीमदन्तकृद्दशाङ्गम् ॥ पू. सागरजी म. संशोधित
३१
www.kobatirth.org
For Private And Personal
