________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
सोलस परिताओ विपुलपव्वए सिद्धे, अ० ५ । एवं धितिहरेवि गाहा० कागंदीए ण० सोलस वासा परियाओ जाव विपुले सिद्धे, अ० ६ । एवं केलासेवि गा० नवरं सागेए नगरे बारस वासाई परियाओ विपुले सिद्धे, अ० ७) एवं हरिचंदणेवि गा० साएए बारस वासा परियाओ विपुले सिद्धे. अ ० ८ । एवं वारततेवि गा० नवरं रायगिहे नगरे बारस वासा परियाओ विपुले सिद्धे, अ०९। एवं सुदंसणेऽवि गा० नवरं वाणियगामे नयरे दूतिपलासते चेइते पंच वासा परियाओ विपुले सिद्धे, अ० १० । एवं पुन्नभद्देवि गा० वाणियगामे नगरे पंच वासा विपुले सिद्धे, अ० ११ । एवं सुमणभद्देवि सावत्थीए नग० बहुवासपरि० सिद्धे, अ० १२ । एवं सुपइद्वेवि गा० सावत्थीए नगरीए सत्तावीसं वासा परि० विपुले सिद्धे, अ० १३ । मेहे रायगिहे नगरे बहूई वासातिं परिताओ, अ० १४ । तेणं कालेणं० पोलासपुरे नगरे सिरिवणे उज्जाणे. तत्थ णं पोलासपुरे नगरे विजये नामं राया होत्था, तस्स णं विजयस्स रनो सिरी नामं देवी होत्था वन्नतो, तस्स णं विजयस्स रन्नो पुत्ते सिरीए देवीते अत्तते अतिमुत्ते नामं कुमारे होत्या सूमाले०, तेणं कालेणं० समणे भगवं महावीरे जाव सिविणं० विहरति, तेणंका० समणस्स० जेठ्ठे अतंवासी इंदभूती जहा पन्नत्तीए जाव पोलासपुरे नगरा उच्चा जाव अडइ, इमं च णं अइमुत्ते कुमारे पहाते जाव विभूसित्ते बहूहिं दारएहि य दारियाहि य डिंभएहि य डिंभियाहि य कुमारएहि कुमारियाहि य सद्धिं संपरिवुडे सतो गिहातो पडिनिक्खमति ता जेणेव इंदट्ठाणे तेणेव उवागते तेहिं बहूहिं दारएहि य संपरिवुडे अभिरममाणे २ विहरति, तते णं भगवं गोयमे पोलासपुरे उच्चनीय जाव अडमाणे इंदट्ठाणस्स अदूरसामंतेणं वितीवयति, || श्रीमदन्तकृद्दशाङ्गम् ॥
पू. सागरजी म. संशोधित
३०
For Private And Personal
