________________
Shri Mahavir Jain Aradhana Kendra
www.kobatirth.org
Acharya Shn Kailashsagarsun Gyanmandir
सुदंसणे निग्गए (प्र०णो निइ),तते से सुए परिव्वायए तीसे परिसाए सुदंसणस्सय अन्नेसिंच बहूणं संखाणं परिकहेति एवं खलु|| सुदंसणा! अहं सोयभूलए धम्मे पन्नत्ते, सेविय सोए दुविहे पं० ०-दव्वसोए य भावसोए य, दव्वसोए य उदएणं मट्टियाए य, भावसोए दब्भेहि य मंतेहि य, जन्नं अहं देवाणुप्पिया! किंचि असुई भवति तं सव्वं सज्जोपुढवीए आलिप्पति ततो पच्छा सुद्धेण वारिणा पक्खालिजति ततो तं असुई सुई भवति, एवं खलु जीवा जलाभिसेययूयप्पाणो अविधेणं सगं गच्छंति, तते णं से सुदंसणे सुयस्स अंतिए धम्म सोच्चा हटे सुयस्स अंतियं सोयमूलयं धम्म गेण्हति त्ता परिव्वायए विपुलेणं असण० ४ वत्थ पडिलाभेमाणे जाव विहरति, तते णंसे सुए परिव्वायगे सोगंधियाओ नगरीओ निग्गच्छति त्ता बहिया जणवयविहारं विहरति, तेणंकालेणं० थावच्चापुत्तस्स समोसरणं, पुरिसा निग्गया, सुदंसणोविणीइ, थावच्चापुत्तं वंदति नभसति त्ता एवं वदासी तुम्हाणं किंमूलए धम्मे पं०?, तते णं थावच्चापुत्ते सुदंसणेणंएवं वुत्ते समाणे सुदंसणं एवं वदासी सुदंसणा! विणयभूले धम्मे पं० सेविय विणए दविहे पं० २०-अगारविणा अणगारविणए य, तत्थ्णं जे से अगारविणए से णं पंच अणुव्वयातिं सत्त सिक्खावयातिं एकारस-उवासगपडिमाओ, तत्थ णं जे से अणगारविणए से णं पंच महव्वयाई, तं०-सव्वातो पाणातिवायाओ वेरमणं सव्वाओ मुसावायाओ वेरमणं सव्वातो अदिनादाणातो वेरमणं सव्वाओ मेहुणाओ वेरमणं सव्वाओ परिगहाओ वेरमणं सव्वाओ राइभोयणाओ वेरमणं जाव मिच्छादसणसल्लाओ वेरमणं, दसविहे पच्चक्खाणे बारस भिक्खुपडिमाओ, इच्चेएणं दुविहेणं विणयभूलएणं धमेणं अणुपुव्वेणं अट्ठकम्मपगंठीओ खवेत्ता | ॥ श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
