________________
Shri Mahavir Jain Arachana Kendra
www.kobatirth.org
Acharya Shri Kailashsagarsur Gyanmandir
देवाणुप्पिया! सभाए सुहम्माए मेघोघरसियं गंभीरं महरसह कोमुदितं भेरि तालेह, तते णं ते कोडुंबियपुरिसा कण्हेणं वासुदेवेणं एवं| वुत्ता समाणा हट्ठ जाव मत्थर अंजलिं कटु एवं सामी ! तहत्ति जाव पडिसुणेति त्ता कण्हस्स वासुदेवस्स अंतियाओ पडिनिक्खमंति त्ता जेणेव सहा सुहम्मा जेणेव कोमुदिया भेरी तेणेव उवागच्छंति तं मेघोघरसियं गंभीर महरसहं कोमुदितं ( सामुयाइगी पा० ) भेरि तालेंति, ततो निद्धमहरगंभीरपडिसुएपिव सारइएणं बलाहएणंपिव अणुरसियं भेरीए, तते णं तीसे कोमुदियाए भेरियाए तालियाए समाणीए बारवतीए नयरीए नवजोयणविच्छिनाए दुवालसजोयणायामाए सिंघाडगतियचउक्कचच्चरकंदरदरीए विवरकुहरगिरिसिहरनगरगोउरपासातदुवारभवणदेउलपडिसुयासयसहस्ससंकुलं सह करेमाणे बारवति नगरि सब्भितरबाहिरियं सव्वतो समंता से सद्दे विष्पसरित्था, तते णंबारवतीए नयरीए नवजोयणविच्छिन्नाए बारसजोयणायामाए समुद्दविजयपामोक्खा दस दसारा जाव गणियासहस्साई कोमुदीयाए भेरीए सदं सोच्चा णिसम्म हट्ठाजावण्हाया आविद्धवग्धारियमल्लदामकलावा अहत्वत्थचंदणोकिनगायसरीरा अपेगतिया हयगया एवं गयगयारहसीयासंदभाणीगया अप्पेगतिया पायविहारचारेणं पुरिसवगुरापरिक्खित्ता कण्हस्स वासुदेवस्स अंतियं पाउभविस्था, ततेणं से कण्हे वासुदेवे समुद्दविजयपाभोक्खे दस दसारे जाव अंतियं पाउब्भवमाणे पासति त्ता हट्टतु जाव कोडुंबियपुरिसे सद्दावेति त्ता एवं व्यासी-खिय्यामेव भो देवाणुप्पिया! चाउरंगिणी सेणं सजेह विजयं च गंधहत्थिं उवट्ठवेह, तेवि तहत्ति उवट्ठति, जाव पजुवासंति ५९। थावच्चापुत्तेवि णिगए जहा मेहे तहेव धम्म सोच्या णिसम्म जेणेव थावच्चागाहावतिणी तेणेव उवागच्छति त्ता ॥श्रीज्ञाताधर्मकथाङ्गम्॥
पू. सागरजी म. संशोधित
For Private And Personal
