________________
Shri Mahavir Jain Arachana Kendra
www.kobatirth.org
Acharya Shn Kailashsagarsun Gyanmandir
कुमारकोडीणं संबपामोक्खाणं सठ्ठीए दुइंतसाहस्सीणं वीरसेणपामोक्खाणं एकवीसाए वीरसाहस्सीणं महासेणपामोक्खाणं छप्पन्नाए/ बलवगसाहस्सीणं रुप्पिणीपाभोक्खाणं बत्तीसाए महिलासाहस्सणी अणंगसेणापामोक्खाणं अणेगाणं गणियासांहस्सीणं अन्नेसिंच बहूणं ईसरतलवरजावसत्थवाह (प्र० सत्थाह )पभिईणं वेयड्ढगिरिसायरपेरंतस्स य दाहिणड्ढभरहस्स बारवतीए नयरीए य आहेवच्चं जाव पालेमाणे विहरति ।५८ तत्थ णं बारवईए नयरीए थावच्चा णाम गाहावतिणी परिवसति अड्ढा जाव अपरिभूता, तीसे णं थावच्चाए गाहावतिणीए पुत्ते थावच्चापुत्ते णाम सत्यवाहदारए होत्था सुकुमालपाणिपाए जाव सुरूवे, तते णंसा थावच्चागाहावइणी/ तं दास्यं सातिरेगअट्ठवासजाययं जाणित्ता सोहणंसि तिहिकरणणक्खत्तमुहत्तंसि कलायरियस्स उवणेति, जाव भोगसमत्थं जाणित्ता बत्तीसाए इब्भ(कुल)बालियाणं एगदिवसेणं पाणिं गेण्हावेति बत्तीसतो दाओ जाव बत्तीसाए इब्भकुलबालियाहिं सद्धि विपुले सहफरिसरसरूव( वन )गंधे जाव भुंजमाणे विहरति, तेणं कालेणं० अरहा अरिटुनेमी सो चेव वण्णओ दसधणुस्सेहे नीलुप्पलगवलगुलियअयसियकुसुमध्यगासे अट्ठारसहिं समणसाहस्सीहिं सद्धिं संपरिवुडे चत्तालीसाए अज्जियासाहस्सीहिं सद्धिं संपरिवुडे पुव्वाणुपुट्विं चरमाणे जाव जेणेव बारमती नगरी जेणेव रेवयगपव्वए जेणेव नंदणवणे उजाणे जेणेव सुरप्पियस्स जक्खस्स जक्खाययणे जेणेव असोगवरपायवे तेणेव उवागच्छइ त्ता अहापडिरूवं उग्गहं ओगिण्हित्ता संजभेणं तवसा अप्पाणं भावेमाणे विहरति, परिसा निग्गया धम्मो कहिओ, तते. णं से कण्हे वासुदेवे इभीसे कहाए लद्धढे समाणे कोडुंबियपुरिसे सद्दावेति त्ता एवं वदासी खिभ्यामेव भो | ॥श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
