________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| सोच्चा णिसम्म सुभेहिं परिणामेहिं पसत्थेहिं अझवसाणेहिं लेस्साहिं विसुज्झमाणीहिं तयावरणिज्जाणं कम्माणं खओवसमेणं | ईहावूहभग्गणगवेसणं करेमाणस्स सन्निपुव्वे जातीसरणे समुध्यन्ने, एतमहं सम्मं अभिसमेति, तते गं से मेहे कुमारे समणेणं भगवया महावीरेणं संभारियपुव्वभवे जातीसंभरणे दुगुणाणीयसंवेगे आणंदयंसुपुन्नमुहे हरिसवसेणं धाराहयकंदबकं पिव समुस्ससितरोमकवे समणं भगवं महावीरं वंदति नम॑सति ता एवं वदासी अजपभिती णं भंते! मम दो अच्छीणि मोत्तूणं अवसेसे काए समणाणं | णिग्गंथाणं निसट्टेत्तिकट्टु पुणरवि समणं भगवं महावीरं वंदति नम॑सति ता एवं वदासी इच्छामि णं भंते ! इयाणि दोच्चंपि सयमेव पव्वावियं सयमेव मुंडावियं जाव सयमेव आयारगोयर जायामायावत्तियं धम्ममातिक्खह, तए णं समणे भगवं महावीरे मेहं कुमारं सयमेव पव्वावेइ जाव जायामायावत्तियं धम्ममाइक्खइ, एवं देवाणुप्पिया! गन्तव्वं एवं चिट्ठियव्वं एवं णिसीयव्वं एवं तुयट्टियव्वं एवं भुंजियव्वं भासियव्वं उद्याय २ पाणाणं भूयाणं जीवाणं सत्ताणं संजमेणं संजमितव्वं, तते णं से मेहे समणस्स भगवओ महावीरस्स अयमेयारूवं धम्मियं उवएसं सम्मं पडिच्छति ता तह चिट्ठति जाव संजमेणं संजमति, तते णं से मेहे अणगारे जाए ईरियासमिए अणगारवन्नओ भाणियव्वो, तते णं से मेहे अणगारे समणस्स भगवतो महावीरस्स अंतिए एतारूवाणं थेराणं सामातियमातियाणि एक्कारस अंगातिं अहिज्जति ता बहूहिं चउत्थछट्ठट्ठमदसमदुवाल सेहिं मासद्धमासखमणेहिं अप्पाणं भावेमाणे विहरति, तते णं स० भ० महावीरे रायगिहाओ नगराओ गुणसिलाओ चेतियाओ पडिनिक्खमति ता बहिया जणवयविहारं विहरति । ३३ । तते णं से मेहे.
॥ श्रीज्ञाताधर्मकथाङ्गम् ॥
५०
पू. सागरजी म. संशोधित
For Private And Personal
