________________
Shri Mahavir Jain Aradhana Kendra
www.kobatirth.org
| पाणेहिं भूतेहिं जीवेहिं सत्तेहिं संजमेणं संजमितव्वं अस्सि च णं अट्ठे णो पमादेयव्वं, तते णं से मेहे कुमारे समणस्स भगवओ महावीरस्स अंतिए इमं एयारूवं धम्मियं उवएसं णिसम्म सम्मं पडिवज्जइ तमाणाए तह गच्छइ तह चिट्ठड़ जाव उट्ठाए उट्ठाय पाणेहिं भूतेहिं जीवेहिं सत्तेहिं संजमइ । ३० । जं दिवसं च णं मेहे कुमारे मुंडे भवित्ता आगाराओ अणगारियं पव्वइए तस्स णं दिवसस्स पुव्वावर (प्र० पच्चावर० )हकालसमयंसि समणाणं निग्गंथाणं अहारातिणियाए सेज्जासंथारएस विभज्जमाणेसुं मेहकुमारस्स दारमूले | सेज्जासंथारए जाए यावि होत्था, तते णं समणा णिग्गंथा पुव्वरत्तावरत्तकालसमयंसि वायणाए पुच्छणाएं परियट्टणाएं धम्माणुजोगचिंताए य उच्चारस्स य पासवणस्स य अइगच्छमाणा य निग्गच्छमाणा य अप्पेगतिया मेहं कुमारं हत्थेहिं संघट्टंति एवं पाएहिं सीसे पोट्टे कार्यसि अप्पेगतिया ओलंडेति अप्पेगइया पोलंडेइ अप्पेगतिया पायरयरेणुगुंडियं करेंति, एवं महालियं च णं रयणीं मेहे कुमारे णो संचाएति खणमवि अच्छि निमीलित्तए, तते णं तस्स मेहस्स कुमारस्स अयमेयारूवे अब्भत्थिए जाव समुप्यज्जित्था एवं खलु अहं सेणियस्स रन्नो पुत्ते धारिणीए देवीए अत्तए मेहे जाव सवणयाए तं जया णं अहं अगारमज्झे व( आव पा० )सामि तया णं मम समणा णिग्गंथा आढायंति परिजाणंति सक्कारेंति सम्मार्णेति अट्ठाई हे ऊतिं पसिणातिं कारणाई वाकरणाई आतिक्खंति इट्ठाहिं कंताहिं वग्गूहिं आलवेंति संलवेति, जम्पभितिं च णं अहं मुंडे भवित्ता आगाराओ अणगारियं पव्वइए तप्यभितिं च णं मम समणा नो आढायंति जाव नो संलवंति, अदुत्तरं च णं ममं समणा णिग्गंथा राओ पुव्वरत्तावरत्तकालसमयंसि वायणाए पुच्छणाए जाव महालियं च णं रत्तिं नो
॥ श्रीज्ञाताधर्मकथाङ्गम् ॥
४१
पू. सागरजी म. संशोधित
Acharya Shri Kailashsagarsuri Gyanmandir
For Private And Personal
