________________
Shri Mahavir Jain Aradhana Kendra
www.kobatirth.org
Acharya Shri Kalashsagarsuri Gyanmandir
चुनजुतिं आभरणविहिं ३० तरुणीपडिकम्म इथिलक्खणं पुस्सिलक्खणं हयलक्खणं झ्यलक्खणं गोणलक्खणं कुक्कुडलक्खणं छत्तलखणं डंडलक्खणं असिलक्खणं ४० मणिलक्खणं कागणिलक्खणं वत्थुविजं खंधारमाणं नगरमाणं वूहं परिवूहं चारं परिचार चकवूहं ५० गालवूहं सगडवूह जुद्धं निजुद्धं जुद्धातिजुद्धं अट्ठियुद्धं मुट्ठियुद्धं बाहय लयाजुद्धं ईसत्थं ६० छरुप्पबाथं धणुब्वेयं हिरत्रपागं सुवत्रपागं सुत्तखेडं वट्टखेडं नालियाखेडं पत्तच्छेज सज्जीवं ७० निजीवं सऊणरुयमिति । २०॥ तते णं से कलायरिए मेहं कुमारं लेहादीयाओ गणियप्पहाणाओसउणरुयपज्जवसााओ बावत्तरि कलाओसुत्तओय अत्थओय करणओय सेहावेति सिक्खावेइ सेहावेत्ता सिक्खावेत्ता अम्मापिऊणं उवणेति, तते णं मेहस्स कुमारस्स अम्भापितरो तं कलायरियं मधुरेहिं क्यणेहिं विपुलेणं वत्थगंधमलालंकारेणं सक्कारेंति सम्भाणेति त्ता विपुलं जीवियारिहं पीइदाणं दलयंति त्ता पडिविसज्जेति । २१। तते णं से मेहे कुमारे बावत्तरिकलापंडिए णवंगसुत्तपडिबोहिए अहारसविहिप्पगारदेसीभासाविसारए गीइरई गंधव्वनट्टकुसले हयजोही गयजोही रहजोही बाहुजोही बाहुप्पमद्दी अलं भोगसमत्थे साहसिए वियालचारी जाते यावि होत्था, तते णं तस्स मेहकुमारस्स अम्मापियरो मेहं कुमार बावत्तरिकलापंडितंजाववियालचारीजायंपासति त्ता अढ पासातवडिंसए करेंति अब्भुग्गयमूसियपहसिए विवमणिकणगरयणभत्तिचित्ते वाउद्धृतविजयवेजयंतीपडागाछत्ताइच्छत्तकलिए तुंगे गगणतलमाभिलंघमाणसिहरे जालंतररयणपंजरुम्मिल्लियद मणिकणगथूभियाए वियसितसयपत्तपुंडरीए तिलयरयणद्धचंदच्चिए नानामणिमयदामालंकिते अंतो बहिं च सण्हे तवणिजरुइलवालुयापत्थरे सुहफासे ॥ श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
