________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
पाहुडं गहाय जेणेव नगरगुत्तिआ तेणेव उवा० तातं महत्थं पाहुडं जाव उवणेति त्ता एवं व० -एवं खलु देवा०! चिलाए चोरसेणावती|| सीहगुहातो चोरपल्लीओ इहं हव्वमागम्म पंचहिं चोरसएहिं सद्धिं ममगिहं घाएत्ता सुबहुं धणणग० सुसुमं च दारियं गहाय जाव पडिगए, तं इच्छामोणं देवा०! सुंसुभादारियाए कूवं गमित्तए, तुब्भेणं देवाणुप्पिया! से विपुले धणणग० ममं सुंसुमा दारिया, ततेणं ते णयरगुत्तिया धण्णस्स एयमटुं पडिसुणेति त्ता सन्नद्ध जाव गहियाउहपहरणा महया २ उक्किट जाव समुद्दरवभूयंपिव करमाणा रायगिहाओ णिग्गच्छंति त्ता जणेव चिलाए चोरे तेणेव उवा० ता चिलाएणं चोरसेणावतिणा सद्धिं संपलग्गा यावि होत्था, तते णं णगरगुत्तिया चिलायं चोरसेणावतिं हयमहिय जाव पडिसेहेंति, तते णं ते पंच चोरसया णगरगोत्तिएहिं हयमहिय जाव पडिसेहिया समाणा तं विपुलंधणकणग० विच्छड्डमाणा य विपकिरेभाणा य सव्वतो समंता विष्पलाइत्था, तते णं ते णयरगुत्तिया तं विपुलं धणकणा० गेण्हंति त्ता जेणेव रायगिहे तेणेव उवा०, तते णं से चिलाए तं चोरसेण्णं तेहिं पयरगुत्तिएहिं हयमहिय जाव भीते तत्थे० सुंसुमं दारियं गहाय एगं महं अगाभियं दीहमद्धं अडविं अणुपविटे, त्ते णं थण्णे सत्थवाहे सुंसुभं दारियं चिलाएणं अडवीमुहिं अवहीरमाणिं पासित्ताणं पंचहिं पुत्तेहिं सद्धिं अप्पच्छट्टे सन्नद्धबद्ध चिलायस्स पदभग्गविहिं अभिगच्छति, अणुगज्जेमाणे हकारेमाणे पुक्कारेमाणे अभितज्जेमाणे अभितासेमाणे पिटुओ अणुगच्छति, तते णं से चिलाए तं धण्णं सत्थवाहं पंचहिं पुत्तेहिं अप्पच्छ8 सन्नद्धबद्धं समणुगच्छमाणं पासति त्ता अत्थामे० जाहे णो संचाएति सुंसुमंदारियं णिवाहित्तए ताहे संते तंते परितंते नीलुप्पलं असिं ॥ श्रीजाताधर्मकथाङ्गम् ॥
| पू. सागरजी म. संशोधित
For Private And Personal
