________________
Shri Mahave Jan Aradhana Kendra
www.kobaith.org
Acharya Sh Kalashsagarsun Gyarmandir
||वासुदेवस्स इमे एयारुवे अब्भत्थिा जाव समुपज्जित्था अहोणं पंच पंडवा महाबलवगा जेहिं गंगामहाणदी बासिटुं जोयणाई अद्धजोयणं च विच्छिण्णा बाहाहिं उत्तिण्णा, इच्छंतएहिं णं पंचहिं पंडवेहिं पउम्णाभे राया जाव णो पडिसेहिए, तते णं गंगा देवी कण्हस्स वासुदेवस्स इमं एया अब्भत्थियं जाव जाणिता थाहं वितरति, तते णं से कण्हे वासुदेवे मुहत्तरं समासासति त्ता गंगामहाणदि बावडिं जाव उत्तरति त्ता जेणेव पंच पंडवा तेणेव उवा० पंच पंडवे एवं व०-अहो णं तुब्भे देवा०! महाबलवगा जेणं तुब्भेहि गंगामहाणदी बासढेि जाव उत्तिण्णा, इच्छंतएहिं तुब्भेहिं पम् जावणो पडिसेहिए, तते णं ते पंच पंडवा कण्हेणं वासुदेवेणं एवं वुत्ता समाणा कण्हं वासुदेवं एवं व०-एवं खलु देवा०! अम्हे तुब्भेहिं विसज्जिया समाणा जेणेव गंगा महाणदी तेणेव उवा० त्ता एगट्टियाए मग्गणगवेसणं तं चेव जाव णूमेमो तुब् पडिवालेमाणा चिट्ठामो, तते णं से कण्हे वासुदेवे तेसिं पंचण्हं पंडवाणं एयमटुं सोच्चा णिसम्म आसुरुत्ते जाव तिवलियं० एवं व० -अहो णं जया भए लवणसमुदं दुवे जोयणसयसहस्साविच्छिण्णं वीतीवइत्ता पउमणाभं हयमहिय जाव पडिसेहित्ता अमरकंका संभग्ग० दोवती साहत्थिं उवणीया त्या णं तुब्भेहिं मम माहप्पं ण विण्णायं इयाणिं जाणिस्सहत्तिकट्ट लोहदंड परामुसति, पंचण्हं पंडवाणं रहे चूरेति त्ता णिव्विसए आणवेति त्ता तत्थ णं रहमद्दणे णामं कोडे णिविटे, तते णं से कण्हे वासुदेवे जेणेव सए खंधावारे तेणेव उवागच्छइ त्ता सएणं खंधावारेणं सद्धिं अभिसमन्नागए यावि होत्था, तते णं से कण्हे वासुदेवे जेणेव बारवई णयरी तेणेव उवा०त्ता अणुपविसति।१३२शतते णते पंच पंडवा जेणेव हत्थ्णिाउरे तेणेव उवागच्छन्ति ॥ श्रीजाताधर्मकथाङ्गम् ॥
२२७
पू. सागरजी म. संशोधित
For Private And Personal
