________________
Shri Mahavir Jain Aradhana Kendra
www.kobairt.org
Acharya Shri Kalashsagarsun Gyanmandir
पज्जुवासति ।१२८ तिते णं तस्स कच्छुल्लणारयस्स इमेयारुवे अब्भस्थिए चिंतिए पत्थिए मणोगए संकय्ये समुपजित्था अहो णं दोवती|| देवी रुवेणं जाव लावण्णेण य पंचहिं पंडवेहिं अणुबद्धा समाणी ममंणो आढाति जाव नो पज्जुवासइ त सेयं खलु मम दोवतीए देवीए विप्पियं करित्तए तिकटु एवं संपेहेति त्ता पंडुयायं आपुच्छइ त्ता उप्पयणिं विजं आवाहेति त्ता ताए उक्किट्ठाए जाव विजाहरगईए लवणसमुदं मझमझेणं पुरत्थाभिमुहे वीइवति पयत्ते यावि होत्या, तेणं कालेणं० धायइसंडे दीवे पुरथिमद्धदाहिणड्डभरहवासे अवरकंका णामं रायहाणी होत्था, तते णं अमरकंकाए रायहाणीए पउमणाभे णामं राया होत्था महया हिमवंत० वण्णओ, तस्स णं ५उम नाभस्स रन्नो सत्त देवीसयातिं ओरोहे होत्या, तस्स णं पउमनाभस्स रण्णो सुनाभे नाम पुत्ते जुवराया यावि होत्था, तते णं से पउमणाभे राया अंतो अंतेउरंसि ओरोहसंपरिवुडे सिंहासणवरगए विहरति, तए णं से कच्छुलणारए जेणेव अमरकंका रायहाणी जेणेव पउमनाहस्स भवणे तेणेव उवागच्छति त्ता पउमनाभस्स रन्नो भवणंसि झत्तिं वेगेणं समोवइए, तते णं से एउमनाभे राया कच्छुल्लं नारयं एजमाणं पासति त्ता आसणातो अब्भुद्वेति त्ता अग्णं जाव आसणेणं उवणिमंतेति, तए णं से कच्छुलनारए उदयपरिफोसियाए|| दब्भोवरिपच्चत्थुयाते भिसियाए निसीयइ जाव कुसलोदंतं आपुच्छइ, तते णं से एउमनाभे राया णियगओरोहे जायविम्हए कच्छुल्लणारयं एवं व० -तुब्धं देवाणुप्पिया! बहूणि गामाणि जाव गेहातिं अणुपविससि, तं अस्थि याई ते कहिंचि देवाणुप्पिया! एरिसएओरोहे दिट्ठपुव्वे जारिसए णं मम ओरोहे? तते णं से कच्छुल्लनाराए पउमनाभेणं रन्ना एवं वुत्ते समाणे ईसिं विहसियं करेइ त्ता एवं व०-सरिसे ॥श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
