________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir पहायं सव्वालंकारविभूसियं सीयं दुरुहेइ त्ता भित्ताइ० संपरिवुडे सातो गिहातो पडिनिक्खमति त्ता सबिड्डीए तेयलीपुरं मझमझेणं|| जेणेव तेतलिस्म गिहे तेणेव उवा० त्ता पोट्टिल दारियं तेतलिपुत्तस्स सयमेव भारियत्ताए दलयति, तते णं तेतलिपुत्ते पोट्टिलं दारिय भारियत्ताए उवणीयं पासति त्ता पोट्टिलाए सद्धिं पट्टयं दुरुहति त्ता सेतापीतएहिं कलसेहिं अप्पाणं मज्जावेति त्ता अग्गिहोम करेति त्ता पाणिग्रहणं करेति त्ता पोट्टिलाए भारियाए भित्तणातिजावपरिजणं विपुलेणं असणपाणखातिमसातिमेणं पुष्फ जाव पडिविसजेति, तते णं से तेतलिपुत्ते पोटिलाए भारियाए अणुरत्ते अविरत्ते उरालाई जाव विहरति १०२॥ तते णं से कणगरहे राया रज्जे यरटे य बले य वाहणे य कोसे य कोहागारे य अंतेउरे य मुच्छिते० जाते २ पुत्ते वियंगेति, अप्पेगइयाणं हत्थंगुलियाओ छिंदति अप्पेगइयाणं हत्थंगुट्ठए छिंदति एवं पायंगुलियाओ पायंगुढ़एवि कनसकुलीएवि नासापुडाई फालेति अंगभंगातिं वियंगेति, तते णं तीसे पउमावतीए देवीए अन्नया पुव्वरत्ताव० अयमेयारुवे अब्भथिए० समुष्पज्जित्था एवं खलु कणगरहे राया रज्जे य जाव पुत्ते वियंगेति जाव अंगमंगाई वियंगेति, तं जति अहं दारयं पयायामि सेयं खलु ममं तं दारगं कणगरहस्स रहस्सियं चेव सारक्खमाणीए संगोवेमाणीए विहरित्तए तिकट्ठ एवं संपेहेति त्ता तेयलिपुत्तं अमच्चं सदावेति त्ता एवं व० एवं खलु देवा०! कणगरहे राया.रज्जे य जाव वियंगेति तं जतिणं अहं देवाणु०! दारगं पयायामि तते णं तुम कणगरहस्स रहस्सियं चेव अणुपुव्वेणं सारक्खमाणे संगोवेमाणे संवड्डेहि, तते णं से दारए उम्मुक्कबालभावे जोव्वणगमणुप्पत्ते तव य मम य भिक्खाभायणे भविस्सति, तते णं से तेयलिपुत्ते एउमावतीए एयमटुं पडिसुणेति त्ता | ॥श्रीमाताधर्मकथाङ्गम् ॥
|१७३|
| पू. सागरजी म. संशोधित
For Private And Personal
