________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| परमसोमणस्सिया हरिसवसविसप्पमाणहियया धाराहयक लंबपुप्फगंपिव समूससियरोमकूवा तं सुमिणं ओगिण्हइ त्ता सयणिज्जाओ अ (प्र० अब्भु) ट्ठेति त्ता पायपीढातो पच्चोरूहड़ ता अतुरियमचवलमसंभंताए अविलंबियाए रायहं ससरिसीए गतीए जेणामेव से सेणिए राया तेणामेव उवागच्छ ता सेणियं रायं ताहिं इट्ठाहिं कंताहिं पियाहिं मणुन्नाहिं मणामाहिं कल्लाणाहिं कल्लामाहिं सिवाहिं धन्नाहिं मंगल्लाहिं सस्सिरियाहिं हिययगमणिजाहिं हिययपल्हायणिज्जाहिं मियमहररिभियगंभीर सस्सिरीयाहिं गिराहिं संलवमाणी २ पडिबोहेइ त्ता सेणिएणं रन्ना अब्भणुन्नाया समाणी णाणामणिकणगरयणभत्तिचित्तंसि भद्दासणंसि निसीयति ता आसत्था विसत्या सुहासणवरगया करयलपरिग्गहियं दसनहं सिरसावत्तं मत्थए अंजलिं कट्टु सेणियं रायं एवं वदासी एवं खलु अहं देवाणुप्पिया ! अज्ज तंसि तारिसगंसि सयणिज्जंसि सालिंगणवट्टिए जाव नियगवयणमइवयंतं गयं सुमिणे पासित्ताणं पडिबुद्धा, तं एयस्स णं देवाणुप्पिया ! उरालस्स जाव सुमिणस्स के मन्ने कल्लणे फलवित्तिविसेसे भविस्सति ? |१| तते णं सेणिए राया धारिणीए देवीए अंतिए एयमहं सोच्चा निसम्म हट्ठजावहियये धाराहयनीवसुरभिकुसुमचंचुमालइयतणुऊससियरोमकूवे तं सुमिणं उग्गहइत्ता ईहं पविसति ता अप्पणो साभाविएणं मइपुव्वएणं बुद्धिवित्राणेणं तस्स सुमिणस्स अत्थोग्यहं करेति त्ता धारणिं देवीं ताहिं जाव हिययपल्हायणिजाहिं | मिउमहररिभियगंभीर सस्सिरियाहिं वग्गूहिं अणुवूहेमाणे २ एवं व्यासी उराले णं तुमे देवाणुम्पिए ! सुमिणे दिट्ठे कल्लाणे णं तुमे | देवाणुम्पिए ! सुमिणे दिट्ठे सिवे धन्ने मंगल्ले सस्सिरीए णं तुमे देवाणुप्पिए ! सुमिणे दिट्ठे आरोग्गतुट्ठिदीहाउयकलाणमंगलकारए णं तुमे पू. सागरजी म. संशोधित
॥ श्रीज्ञाताधर्मकथाङ्गम् ॥
For Private And Personal
