________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
तते णं पउभावती सव्विढिए जेणेव नागधरे तेणेव उवागच्छति त्ता नागधरयं अणुपविसति त्ता लोमहत्थगं जाव धूवं डहति त्ता पडिबुद्धिं पडिवालेभाणी २ चिट्ठति, तते णं पडिबुद्धी हाए हथिखंधवगते सकोरंट जाव सेयवरचाभराहिं हयगयरहजोहमहयाभडचडकरपहकरेहिं साकेयनगरं० णिग्गच्छति त्ता जेणेव नागधरे तेणेव उवागच्छति त्ता हत्थिखंधाओ पच्चोरुहति त्ता आलोए प्रणाम करेइत्ता पुष्पमंडवं अणुपविसतित्तापासति तं एगं महं सिरिदामगंडं,तएणं पडिबुद्धीतं सिरिदामगंडं सुइरं कालं निरिक्खइत्ता तसि सिरिदामगंडसि जायविम्हए सुबुद्धि अमच्चं एवं वयासी तुमनं देवाणुप्पिया! मम दोच्चेणं बहूणि गामागरजावसत्रिवेसाई आहिंडसि बहूणिराईसर जाव गिहातिं अणुपविससितं अत्थ्णिं तुमे कहिंचि एरिसए सिरिदामगंडे, दिपुव्वे जारिसए, णंइमे पउमावतीए देवीए सिरिदामगंडे? तते णं सुबुद्धी पडिबुद्धिं रायं एवं वदासी एवं खलु सामी! अहं अत्रया कयाई तुब्भं दोच्चेणं भिहिलं रायहाणिंगते तत्थ णं मए कुंभगस्सरनोधूयाए पभावईए देवीए अत्तयाए मल्लीए संवच्छरपडिलेहणगंसि दिव्वे सिरिदामगंडे दिट्ठपुव्वे तस्सणं सिरिदामगंडस्स इमे पउभावतीए देवीए सिरिदामगंडे सयसहस्सतिमंपि कलं ॥ अग्धति, तते णं पडिबुद्धी सुबुद्धि अमच्चं एवं वदासी के रिसिया णं देवाणुप्पिया ! मल्ली विदेहरायवरकन्ना जस्सणं संवच्छरपडिलेहणयंसि सिरिदामगंडस्सपउमावतीए देवीए सिरिदामगंडे सयसहस्सतिमंपि कलं न अग्धति?, तते णं सुबुद्धी पडिबुद्धिं इक्खागुरायं एवं वदासी विदेहरायवरकनगा सुपइट्ठियकुमुन्नयचारुचरणा वनओ, तते गं पडिबुद्धी सुबुद्धिस्स अमच्चस्स अंतिए सोच्चा णिसम्म सिरिदामगंडजणितहासे दूयं सहावेइ त्ता एवं ३०-गच्छाहि णं तुमं देवाणुप्पिया! ॥ श्रीजाताधर्मकथाङ्गम् ॥
| पू. सागरजी म. संशोधित
११३
For Private And Personal
