________________
Shri Mahavir Jain Aradhana Kendra
www.kobatirth.org
Acharya Shri Kallashsagarsuri Gyanmandir
पवयणं? पावयणी पवयणं?, गोयमा ! अरहा ताव नियमं पावयणी पवयणं पुण दुवाल में गणिपडिगे तं०-आयारो जाव दिट्टिवाओ, जे इमे भंते! उग्गा भोगा राइना इक्खागा नाया कोरव्वा एए णं अस्सि धम्मे ओगाहंति त्ता अट्ठविहं कम्मरयमलं पवाहेति ता तओ पच्छा सिज्यंति जाव अंत करेंति?, हंता गोयमा ! जे इमे उग्गा भोगा तं चेव जाव अंतं करेंति, अत्थेगइया अन्नयरेसु देवलोएस देवत्ताए उववत्तारो भवंति, कइविहा णं भंते! देवलोया पं०?, गोयमा ! चउव्विहा देवलोया पं० नं० - भवणवासी वाणमंतरा जोतिसिया वेमाणिया । सेवं भंते! २त्ति ६८३ ॥ २३० २०३०८ ॥
कइविहा णं भंते! चारणा पं०?, गोयमा ! दुविहा चारणा पं० तं०-विज्जाचारणा य जंघाचारणा य, से केणट्टेणं भंते! एवं वुच्चइ विज्जाचारणा २१, गोयमा ! तस्स णं छटुंछट्टेणं अनिक्खित्तेणं तवोकम्मेणं विजाए उत्तरगणलद्धिं खममाणस्स विज्जाचारणालद्धी नामं लद्धी समुप्पज्जइ, से तेणद्वेणं जाव विजाचारणे २, विज्जाचारणस्स णं भंते! कहं सीहा गती कहं सीहे गतिविसए पं०?, गोयमा! अयन्त्रं जंबुद्दीवे दीवे जाव किंचिविसेसाहिए परिक्खेवेणं देवे णं महड्ढीए जाव महेसक्खे जाव इणामेवत्तिकट्टु केवलकप्पं जंबुद्दीवं दीवं तिहिं अच्छरानिवाएहिं तिक्खुत्तो अणुपरियद्वित्ताणं हव्वमागच्छेजा, विज्जाचारणस्स णं तहा सीहा गती तहा सीहे गतिविसए पं०, विज्जाचारणस्स णं भंते! तिरियं के वतिए गतिविसए पं०?, गोयम ! से णं इओ एगेणं उप्पारणं माणुसुत्तरे पव्वए समोसरणं करेति ता तहिं चेहयाई वंदति ता बितिएणं उप्पाएणं नंदीसरवरे दीवे समोसरणं करेति ता तहिं चेड़याइं वंदति ता तओ पडिनियत्तति ता ॥ श्रीभगवती सूत्रं ॥ पू. सागरजी म. संशोधित
७७
For Private And Personal
