________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| कालियसुयस्स वोच्छेदे पं०?, गोयमा ! एएसु णं तेवीसाए जिणंतरेस पुरिमपच्छिमएस अट्सु २ जिणंतरेसु एत्थ णं कालियसुयस्स | अवोच्छेदे पं०, मज्झिमएसु सत्सु जिणंतरेसु एत्थ णं कालियसुयस्स वोच्छेदे पं०, सव्वत्थवि णं वोच्छिन्ने दिट्ठिवाए । ६७८ । जंबुद्दीवे णं भंते! दीवे भारहे वासे इमीसे ओसप्पिणीए देवाणुम्पियाणं केवतियं कालं पुव्वगए अणुसज्जिस्सति ?, गोयमा ! जंबुद्दीवे णं दीवे भारहे वासे इमीसे ओसम्पिणीए ममं एगं वाससहस्सं पुव्वगए अणुसज्जिस्सति, जहा णं भंते! जंबुद्दीवे दीवे भारहे वासे इमीसे ओसप्पिणीए देवाणुप्पियाणं एगं वाससहस्सं पुव्वगए अणुसज्जिस्सइ तहा णं भंते! जंबुद्दीवे दीवे भारहे वासे इमी से ओसप्पिणीए अवसेसाणं तित्थयराणं के वतियं कालं पुव्वगए अणुसज्जित्था ?, गोयमा ! अत्थेगतियाणं संखेज्जं कालं अत्थेगइयाणं असंखेज्जं कालं |। ६७९ । जंबुद्दीवे णं भंते! दीवे भारहे वासे इमीसे ओसप्पिणीए देवाणुम्पियाणं केवतियं कालं तित्थे अणुसज्जिस्सति ?, गोयमा ! जंबुद्दीवे भार हे वासे इमीसे ओसप्पिणीए ममं एगवीसं वाससहस्साइं तित्थे अणुसज्जिस्सति । ६८० । जहा णं भंते! जंबुद्दीवे दीवे भारहे वासे इमी से ओसम्पिणीए देवाणुम्पियाणं एक्कवीसं वाससहस्साइं तित्थं अणुसज्जिस्सति तहा णं भंते! जंबुद्दीवे दीवे भारहे वासे आगमेस्साए चरिमतित्थगरस्स केवतियं कालं तित्थं अणुसज्जिस्सति?, गोयमा ! जावतिए णं उसभस्स अरहओ कोसलियस्स जिणपरियाए तावइयाई संखेज्जाई आगमेस्साए चरिमतित्थगरस्स तित्थे अणुसज्जिस्सति । ६८१ । तित्थं भंते! तित्थं? तित्थगरे तित्थं ?, गोयमा ! अरहा | ताव नियमं तित्थकरे तित्थं पुण चाउवन्नाइन्नो (वण्णो) समणसंघो तं०-समणा समणीओ सावया सावियाओ । ६८२ । पवयणं भंते!
॥ श्रीभगवती सूत्रं ॥
पू. सागरजी म. संशोधित
७६
For Private And Personal
