________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|णं तस्स सिवस्स रायरिसिस्स अयमेयारूवे अब्भथिए जाव समुप्पजित्था एवं खलु समणे भगवं महावीरे आदिगरे तित्थगरे जाव|| सव्वनू सव्वदरिसी आगासगएणं चक्केणं जाव सहसंबवणे उजाणे अहापडिरूवं जाव विहरइ, तं महाफलं खलु तहारूवाणं अरहंताणं भगवंताणं नामगोयस्स जहा उववाइएजाव गहणयाए, तं गच्छामि णं समणं भगवं महावीरं वंदामि जाव पज्जुवासामि, एयं णं इहभवे य परभवे य जाव भविस्सइत्तिकटु एवं संपेहेति त्ता जेणेव तावसावसहे तेणेव उवागच्छइ त्ता तावसावसहं अणुप्पविसति त्ता सुबहं| लोहीलोहकडाह जाव किढिणसंकातिगंच गेण्हइत्ता तावसावसहाओपडिनिक्खिमति त्ता परिवडियविब्भंगे हथिणापुर नगरमझंमज्झेणं निग्गच्छइ त्ता जेणेव सहसंबवणे उज्जाणे जेणेव समणे भगवं महावीरे तेणेव उवागच्छइ त्ता समणं भगवं महावीरं तिक्खुत्तो आयाहिणपयाहिणं करेइ त्ता वंदति नमसतित्ता नच्चासन्ने नाइदूरे जाव पंजलिउडे पज्जुवासइ, तए णं समणे भगवं महावीरे सिवस्स रायरिसिस्स तीसे य महतिभहालियाए जाव आणाए आराहए भवइ, तए णं से सिवे रायरिसी समणस्स भगवओ महावीरस्स अंतियं धम्म सोच्चा निसम्म जहा खंदओ जाव उत्तरपुरच्छिम दिसीभागं अवकमाइ त्ता सुबहं लोहीलोहकडाह जाव किढिणसंकातिगं एगते एडेइ त्ता सयमेव पंचमुट्ठियं लोयं करेति त्ता समणं भगवं महावीरं एवं जहेव उसमदत्ते तहेव पव्वइओ इक्कारस अंगाई अहिज्जति तहेव सव्वं जाव सव्वदुक्खप्पहीण। ४१७१ भंतेत्ति भगवं गोयमे समणं भगवं महावीरं वंदइ नमसइ त्ता एवं व्यासी जीवा णं भंते ! सिझमाणा कयामि संध्यणे सिझंति ?, गोयमा ! वयरोसभणारायसंध्यणे सिझंति, एवं जहेव उववाइए तहेव संध्यणं संठाणं || ॥ श्रीभगवती सूत्रं ॥
पू. सागरजी म. संशोधित
For Private And Personal Use Only
