________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|एगं पुरिसं हणामि से णं एगं पुरिसं हणामाणे अणेगजीवा हणइ, से तेणटेणं गोयमा! एवं वुच्चइ पुरिसंपि हणइ नोपुरिसेऽवि हणति,|| पुरिसे णं भंते ! आसंहणमाणे किं आसं हणइ नोआसेऽवि हणइ ?, गोयमा ! आसंपि हणइ नोआसेऽवि हणइ, से केणटेणं०?, अट्ठो तहेव, एवं हतिथं सीहं वग्धं जाव चिल्ललगं, एए सव्वेऽवि एक्कगमा, पुरिसे णं भंते ! इसिं हणमाणे किं इसिं हणइ नोइसिणो हणइ ?, गोयमा ! इसिपि हणइ नोइसिणोऽवि०, से केणटेणं भंते ! एवं वुच्चइ जाव नोइसिणोऽवि हणइ ?, गोयमा ! तस्स णं एवं भवइ एवं खलु अहं एगं इसिं हणामि, से णं एगं इसिं हणमाणे अणंते जीवे हणइ, से तेणटेणं निक्खेवओ, पुरिसे णं भंते ! पुरिसं हणमाणे किं परिसवेरेणं पट्टे नोपरिसवेरेणं पुढे ?, गोयमा ! नियमा ताव परिसवेरेणं पुढे अहवा पुरिसवेरेण य णोपुरिसवेरेण य पुढे अहवा पुरिसवेरेण य नोपुरिसवेरेहि य पुढे, एवं आसं एवं जाव चिल्ललगं जाव अहवा चिल्ललगवेरेण य णोचिल्ललगवेरेहि य पुढे, पुरिसे णं भंते! इसिं हणमाणे किं इसिवरेणं पुढे नोइसिवेरेणं०?, गोयमा ! नियमा इसिवेरेण य नोइसिवेरेहि य पुढे । ३९० । पुढवीकाइया णं भंते! पुढतीकायं चेव आणभंति वा ऊससंति वा नीससंति वा?, हंता गोयमा ! पुढविक्काइए पुढविक्काइयं चेव आणभंति वा जाव नीससंति वा, पुढवीकाइए णं भंते ! आउकाइयं आणमंति वाजाव नीससंति वा ?, हंता गोयमा ! पुढविक्काइए आउकाइयं आणमंति वाजाव नीससंतिवा, एवं तेउक्काइयं वाउकाइयं एवं वणस्सइकाइयं, आउकाइए णं भंते ! पुढवीकाइयं आणमंति वा पाणमंति वा०?, एवं चेव, आउझाइए णं भंते ! आउभायं चेव आणमंतिवा०?,एवं चेव, एवं तेउवाऊवणस्सइकाइयं, तेउक्काइए णं भंते ! पुढविक्काइयं ॥श्रीभगवती सूत्रं ॥
पू. सागरजी म. संशोधित
For Private And Personal Use Only
