________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
खत्तियकुमारस्स माया हंसलक्खणेणं पडसाडएणं आभरणमल्लालंकारं पडिच्छति ता हारवारि जाव विणिभ्मुयमाणी २ जमालिं खत्तियकुमारं एवं व्यासी घडियव्वं जाया ! जड़यव्वं जाया ! पक्कमियव्वं जाया ! अस्सि च णं अट्ठे णो पमायेतव्वंतिकटु, जमालिस्स खत्तियकुमारस्स अम्मापियरो समणं भगवं महावीरं वंदइ णमंसइ त्ता जामेव दिसं पाउब्भूया तामेव दिसिं पडिगया, तए णं से जमाली खत्तिए सयमेय पंचमुट्ठियं लोयं करेति त्ता जेणेव समणे भगवं महावीरे तेणेव उवागच्छइ ता एवं जहा उसभदत्तो तहेव पव्वइओ नवरं पंचहिं पुरिससएहिं सद्धिं तहेव जाव सव्वं सामाइयमाइयाई एक्कारस अंगाई अहिज्जइ ता बहूहिं चउत्थच्छट्टमजावमासद्धमासखमणेहिं विचित्तेहिं तवोकम्मेहिं अप्पाणं भावेमाणे विहरड़ । ३८४ । तए णं से जमाली अणगारे अन्नया कथाइ जेणेव समणे भगवं महावीरे तेणेव उवागच्छइ त्ता समणं भगवं महावीरं वंदति नम॑सति ता एवं व्यासी इच्छामि णं भंते! तुज्झेहिं अब्भणुन्नाए समाणे पंचहिं अणगारसएहिं सद्धिं बहिया जणवयविहारं विहरितए, तए णं से समणे भगवं महावीरे जमालिस्स अणगारस्स एयमट्ठ णो आढाइ णो परिजाणइ तुसिणीए संचिट्ठइ, तए णं से जमाली अणगारे समणं भगवं महावीरं दोच्चंपि तच्वंपि एवं व्यासी इच्छामि णं भंते ! तुज्झेहिं अब्भणुन्नाए समाणे पंचहिं अणगारसएहिं सद्धिं जाव विहरिनए, नए णं समणे भगवं महावीरे जमालिस्स अणगारस्स दोच्यंपि तच्चपि एयमहं णो आढाइ जाव तुसिणीए संचिट्ठइ, तए णं से जमाली अणगारे समणं भगवं महावीरं वंदइ णमंसइ ता समणस्स भगवओ महावीरस्स अंतियाओ बहुसालाओ चेइयाओ पडिनिक्खमइ त्ता पंचहिं अणगारसएहिं सद्धिं बहिया जणवयविहारं विहरड़, तेणं
॥ श्रीभगवती सूत्रं ॥
५१
पू. सागरजी म. संशोधित
For Private And Personal Use Only
