________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तए णं से उसभदत्ते माहणे पहाए जाव अप्पमहग्घाभरणालंकियसरीरे साओ गिहाओ पडिनिक्खमतित्ता जेणेव बाहिरिया उवद्वाणसाला | जेणेव धम्मिए जाणण्यवरे तेणेव उवागच्छड़ तेणेव उवागच्छित्ता धम्मियं जाणम्पवरं दुरूढे, तए णं सा देवाणंदा माहणी (अंतो | अंतेउरंसि व्हाया कयबलिकम्मा कयकोउयमंगलपायच्छित्ता किंच्च वरपादपत्तनेउरमणिमेहलाहारविराइयउचियकडगखुडायएकावली - कंठसुत्तउरत्थगेवेज्जसोणिसुत्तगनाणामणिरयणभूसणविराइयंगी चीणं सुयवत्थपवर परिहिया दुगुल्लसुकुमालउत्तरिज्जा सव्वाउयसुरभिकुसुमवरियसिरया वरचंदणवंदिया वराभरणभूसियंगी कालागुरुधूवधूविया सिरिसमाणवेसा जाव अप्पमहग्घाभरणालंकियसरीरा बहूहिं पा० ) खुज्जाहिं चिलाइयाहिं जाव (वामणियाहिं वडहियाहिं बब्बरियाहिं ईसिगणियाहिं जोहियाहिं चारुगणियाहिं पल्लवियाहिं ल्हासियाहिं लउसियाहिं आरबीहिं दमिलीहिं सिंधलीहिं पुलिंदीहिं पुक्खलीहिं मुरंडीहिं सबरीहिं पारसीहिं नाणादेसीहिं विदेसपरिमंडियाहिं इंगित चिंतितपत्थियवियाणियाहिं सदेसनेवत्थगहियवे साहिं कुसलाहिं विणीयाहि य चेडियाचक्कवालवरिसधर थेर कंचुइज्जमहत्तरगवंदपरिक्खित्ता पा० ) अंतेउराओ निग्गच्छति त्ता जेणेव बाहिरिया उवद्वाणसाला जेणेव धम्मिए जाणण्पवरे तेणेव उवागच्छइ ता जाव धम्मियं जाणप्पवरं दुरूढा, तए णं से उसभदत्ते माहणे देवाणंदाए माहणीए सद्धिं धम्मियं जाणप्पवरं दुरूढे समाणे णियगपरियाल संपरिवुडे माहणकुंडग्गामनगरं मज्झमज्झेणं निग्गच्छइ ता जेणेव बहुसालए चेइए तेणेव उवागच्छइ ता छत्तादीए तित्थकरातिसए पासड़ ना धम्मियं जाणपव्वरं ठवेइ ता धम्मियाओ जाणण्पवराओ पच्चोरुहइत्ता समणं भगवं महावीरं पंचविहेणं अभिगमेणं अभिगच्छति, तं० पू. सागरजी म. संशोधित
॥ श्रीभगवती सूत्रं ॥
३३
For Private And Personal Use Only
