________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
भवं भुणी मुणिए जाव सेजायरए २?, तए णं से वेसियायणे बालतवस्सी गोसालेणं मंखलिपुत्तेणं दोच्चंपि तच्चपि एवं वुत्ते समाणे|| आसुरुत्ते जाव मिसिमिसेमाणे आयावणभूमीओ पच्चोरुभति त्ता तेयासमुग्धाएणं समोहन्नइत्ता सत्तट्ठ पयाई पच्चीसवइ त्ता गोसालस्स मंखलिपुत्तस्स वहाए सरीरगंसि तेयं निसिरइ, तए णं अहं गोयमा! गोसालस्स मंखलिपुत्तस्स अणुकंपणट्टयाए वेसियायणस्स बालतवस्सिस्स तेयपडिसाहरणहाए एत्थणं अंतरा अहं सीयलियं तेयलेस्सं निसिरामि जाए सा ममं सीयलियाए तेयलेस्साए वेसियायणस्स बालतवस्सिस्स उसिणा तेयलेस्सा पडिहया, तए णं से वेसियायणे बालतवस्सी ममं सीयलियाए तेयलेस्साए उसिणं तेयलेस्सं पडिहयं जाणित्ता गोसालस्सयमंखलिपुत्तस्स सरीरगस्स किंचि आबाहं वा वाबाहं वा छविच्छेदं वा अकीरमाणं पासित्ता सो उसिणं तेयलेस्स पडिसाहरइत्ता मभ एवं व्यासी से गयमेयं भगवं! २,तए णं से गोसाले मंखलिपुत्ते ममं एवं व्यासी किण्हं भंते! एस जूयासिज्जायरए तुझे एवं वयासी से गयमेयं भगवं! २?, तए णं अहं गोयमा! गोसालं मंखलिपुत्तं एवं वयासी तुणं गोसाला! वेसियायणं बालतवस्सिं पाससित्ता ममं अंतियाओ सणियं २ पच्चोसक्कसि जेणेव वेसियायणे बालतवस्सी तेणेव उवागच्छसित्ता वेसियायणं बालतवस्सिं एवं वयासी किं भवं मुणी मुणिए उदाहु जूयासेजायरए?, तए णं से वेसियायणे बालतवस्सी तव एयमटुं नो आढाति नो परिजाणाति तुसिणीए संचिट्ठिए, तए णं तुमं गोसाला वेसियायणं बालतवस्सिं दोच्चंपि तच्चंपि एवं क्यासी किं भवं मुणी मुणिए जाव सेज्जायरए २?, तए णं से वेसियायणे बालतवस्सी तुमंदोच्चंपि तच्चपि एवं वुत्ते समाणे आसुरुत्ते जाव पच्चोसक्कति त्ता तव वहाए सरीरगंसि तेयं ॥श्रीभगवती सूत्र ॥
पू. सागरजी म. संशोधित
For Private And Personal Use Only
