________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
।५३१ । अत्थि णं भंते! जंभया देवा २?, हंता अत्थि, से केणद्वेणं भंते! एवं वुच्चइ जंभया देवा २?, गोयमा ! जंभगा णं देवा निच्चं पमुझ्यपक्कीलिया कंदप्परतिमोहणसीला जन्नं ते देवे कुद्धे पासेज्जा से णं पुरिसे महंतं अयसं पाउणिज्जा जं णं ते देवे तुट्टे पासेज्जा से णं महंतं जसं पाउणेज्जा, से तेणद्वेणं गोयमा! जंभगा देवा २, कतिविहा णं भंते! गंभगा देवा पं०?, गोयमा ! दसविहा० पं० तं०अन्नजंभगा पाणजंभगा वत्थजंभगा लेणजंभगा सयणजंभगा पुण्फजंभगा फलजंभगा पुप्फफल(मंत पा० ) जंभगा विज्जाजंभगा अवियत्त ( अहिवइ पा० ) जंभगा, जंभगा णं भंते! देवा कहिं वसहिं उवेंति?, गोयमा ! सव्वेसु चेव दीहवेयड्ढेसु चित्तविचित्तजमगपव्वएसु कंचणपव्वएस य एत्थ णं जंभगा देवा वसहिं उवेंति, जंभगाणं भंते! देवाणं केवतियं कालं ठिती पं० ?, गोयमा ! एगं पलिओवमं ठिती पं० । सेवं भंते! सेवं भंते! त्ति जाव विहरति । ५३२ ॥ २० १४३०८ ॥
अणगारे णं भंते! भावियप्पा अप्पणो कम्मलेस्सं न जाणइ न पासइ तं पुण जीवं सरूविं सकम्मलेस्सं जाणइ पासइ ?, हंता गोयमा! अणगारे णं भावियप्पा अप्पणो जाव पासति, अत्थि णं भंते, सरुवी सकम्मलेस्सा पोग्गला ओभासंति०?, हंता अस्थि, कयरे णं भंते! सरूवी सकम्मलेस्सा योग्गला ओभासंति जाव पभासंति?, गोयमा ! जाओ इमाओ चंदिमसूरियाणं देवाणं विभाणेहिंतो लेस्साओ बहिया अभिनिस्सडाओ ताओ ओभासंति० पभासेति, एएणं गोयमा! ते सरूवी सकम्मलेस्सा मोग्गला ओभासेति० (५३३ । नेरइयाणं भंते! किं अत्ता पोग्गला अणत्ता पोग्गला?, गोयमा ! नो अत्ता पोग्गला अणत्ता योग्गला, असुरकुमाराणं भंते! किं अत्ता
॥ श्रीभगवती सूत्रं ॥
२००
पू. सागरजी म. संशोधित
For Private And Personal Use Only
