________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अट्ठजोयणिया, तीसे णं मणिपेढियाए उवरिं एत्थ णं महेगं सीहासणं विउव्वइ सपरिवारं भाणियव्वं, तत्थ णं सणकुमारे देविंदे देवराया | बावत्तरीए सामाणियसाहस्सीहिं जाव चउहिं बावत्तरीहिं आयरक्खदेवसाहस्सीहि य बहूहिं सणकुमारकप्पवासीहिं वेमाणिएहिं देवेहिं देवीहि य सद्धिं संपरिवुडे महया जाव विहरड़, एवं जहा सणकुमारे तहा जाव पाणओ अच्चुओ, नवरं जो जस्स परिवारो सो तस्स भाणियव्वो, पासायउच्चत्तं जं सएस २ कप्पेसु विमाणाणं उच्चत्तं अद्धद्धं वित्थारो जाव अच्चुयस्स नव जोयणसयाई उड्ढउच्चत्तेणं अद्धपंचमाई जोयणसयाई विक्खंभेणं, तत्थ णं अच्चुए देविंदे देवराया दसहिं सामाणियसाहस्सीहिं जाव विहरड़, सेसं तं चेव । सेवं भंते! रत्ति ५१९॥० १४३० ६ ॥
रायगिहे जाव परिसा पडिगया, गोयभादी समणे भगवं महावीरे भगवं गोयमं आमंतेत्ता एवं वयासी चिरसंसिद्धो सि मे गोयमा ! चिरसंधुओ सि मे गोयमा ! चिरपरिचिओ सि मे गोयमा ! चिरजुसिओ सि मे गोयमा ! चिराणुगओ सि मे गोयमा ! चिराणुवत्ती सि मे गोयमा ! अनंतरं देवलोए अनंतरं माणुस्सए भवे, किं परं ?, मरणा कायस्स भेदा इओ चुत्ता दोऽवि तुल्ला एगट्ठा अविसेसमणाणत्ता | भविस्सामो ५२० । जहा णं भंते ! वयं एयमहं जाणामो पासामो तहा णं अणुत्तरोववाइयावि देवा एयमहं जा० पा०?, हंता गोयमा ! जहा णं वयं एयमद्वं जाणामो पासामो तहा अणुत्तरोववाइयावि देवा एयम जा० पा०, से केणट्टेणं जाव पासंति?, गोयमा अणुत्तरोववाइयाणं अनंताओ मणोदव्ववग्गणाओ लद्धाओ पत्ताओ अभिसमन्नागयाओ भवंति से तेणट्टेणं गोयमा ! एवं वुच्चइ जाव
॥ श्रीभगवती सूत्रं ॥
| १९४
पू. सागरजी म. संशोधित
For Private And Personal Use Only
