________________
Shri Mahavir Jain Aradhana Kendra
www.kobatirth.org
(४५४) चंदस्स णं भंते ! जोइसिंदस्स जोइसरनो कति अग्गमहिसीओ पं० ?, जहा दसम्सए जाव णो चेव णं मेहुणवत्तियं सूरस्सवि तहेव, चंदिमसूरिया णं भंते! जोइसिंदा जोइसरायाणो के रिसए कामभोगे पच्चणुभवमाणा विहरंति ?, गोयमा ! से जहानामए केई पुरिसे पढमजोव्वणुट्टाणबलत्थे पढमजोव्वणुट्टाणबलट्ठाए भारियाए सध्धिं अचिरवत्तविवाहकज्जे अत्थगवेसणयाए सोलसवासविप्पवसिए से णं तओ लद्धट्ठे कयकज्जे अणहसमग्गे पुणरवि नियगगिहं हव्वमागए हाए कयबलिकम्मे कयकोउयमंगलपायच्छित्ते सव्वालंकारविभूसिए मणुन्नं थालिपागसुद्धं अट्ठारसवंजणाकुलं भोयणं भुत्ते समाणे तंसि तारिसगंसि वासघरंसि वन्नओ महाबले जाव सयणोवयार क लिए ताए तारिसियाए भारियाए सिंगारागार चारुवेसाए जाव कलियाए अणुरत्ताए अविरत्ताए मणाणुकूलाए सद्धिं इट्ठे सद्दे० फरिसे जाव पंचविहे माणुस्सर कामभोगे पच्चणुभवमाणे विहरति, से णं गोयमा ! पुरिसे विउसमणकालसमयंसि केरिसयं । सायासोक्खं पच्चणुभवमाणो विहरति ?, ओरालं समणाउसो !, तस्स णं गोयमा ! पुरिसस्स कामभोगेहिंतो वाणमंतराणं देवाणं अनंतगुणविसिद्वतरा चेव कामभोगा, वाणमंतराणं देवाणं कामभोगेहिंतो असुरिंदवज्जियाणं भवणवासिणं देवाणं अनंतगुणविट्टितरा चेव कामभोगा, असुरिंदवज्जियाणं भवणवासियाणं देवाणं कामभोगेहिंतो असुरकुमाराणं देवाणं (एत्तो पा० ) अनंतगुणविसिद्वतरा चैव कामभोगा, असुरकुमाराणं देवाणं कामभोगहिंतो गहगणनक्खत्ततारारूवाणं जोतिसियाणं देवाणं अनंतगुणविसितरा चेव कामभोगा, गहगणनक्खत्त जाव कामभोगेहिंतो चंदिमसूरियाणं जोतिसियाणं जोतिसराईणं अनंतगुणविसिद्वतरा चैव कामभोगा, पू. सागरजी म. संशोधित
॥ श्रीभगवती सूत्रं ॥
१३९
Acharya Shri Kailassagarsuri Gyanmandir
For Private And Personal Use Only
