________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
आणुपाणुपजत्तीए भासामणपजत्तीए, तए णं तं तीसयं देवं पंचविहाए पजत्तीए पज्जत्तिभावंगयं सभाणं सामाणियपरिसोववन्नया देवा कयल्परिग्गहियं दसनहं सिरसावत्तं मत्थए अंजलि कटु जएणं विजएणं वद्धाविति त्ता एवं वदासी अहो णं देवाणुप्पिएणं दिव्या देविड्ढीदिव्वा देवजुत्ती दिव्वे देवाणुभावे लद्धे पत्ते अभिसमन्नागते, जारिसिया णं देवाणुप्पिएहिं दिव्या देविड्ढी दिव्वा देवजुत्ती दिव्वे देवाणुभावे लद्धे पत्ते अभिसम-नागते तारिसिया णं सकेणं देविंदेणं देवरना दिव्या देविड्ढी जाव अभिसमन्नागया, जारिसिया ण सकेणं देविदेणं देवण्णा दिव्वा देविड्ढी जाव अभिसमण्णागया तारिसिया ण देवाणुप्पिएहिं दिव्वा देविड्ढीजाव अभिसमनागया, से गं भंते ! तीसए देवे के महिड्डीए जाव केवतियं च णं पभू विउवित्तए ?, गोयमा ! महिड्डीए जाव महाणुभागे, से
तत्थ सयस विमाणस्स चउण्हं सामाणियसाहस्सीणं चउण्हं अगमहिसीणं सपरिवाराणंतिण्हं परिसाणंसत्तण्हं अणियाणं सत्ताह अणियाहिवईणं सोलसण्हं आयरक्खदेवसाहस्सीणं अण्णेसिंच बहूण वेमाणियाणं देवाण य देवीण य जाव विहरति, एवं महिड्ढीए जाव एवइयं च णं पभू विउवित्तए,से जहाणामए जुवतिं जवाणे हत्थेणं हत्थे गेण्हेजा तहेव सकस्स तहेव जाव एसणंगोयमा ! तीसयस्स देवस्स अयमेयारूवे विसए विसयभेत्ने बुइए, नो चेवणं संपत्तीए विउब्बिसु वा०, जति णं भंते ! तीसए देवे एमहिड्ढीए जाव एवइयं च णं पभू विउवित्तए सकस्स णं भंते! देविंदस्स देवरत्रो अवसेसा सामाणिया देवा केहिड्ढीया तहेव सव्वं जाव एस णं गोयमा! सकस्स देविंदस्स देवन्नो एगमेगस्स सामाणियस्स देवस्स इमेयारूवे विसयमेत्ते बुइए, नो चेवणं संपत्तीए विउब्बिसु वा ॥ ॥ श्रीभगवती सूत्रं ॥ |
| पू. सागरजी म. संशोथित
For Private And Personal Use Only
