________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
| कतिविहा णं भंते ! आराहणा पं० ?, गोयमा ! तिविहा आराहणा पं० नं० - नाणाराहणा दंसणाराहणा चरिताराहणा, णाणाराहणा णं भंते ! कतिविहा पं० १, गोयमा ! तिविहा पं० तं० - उक्कोसिया मज्झिमा जहन्ना, दंसणाराहणा णं भंते!, एवं चेव तिविहावि, एवं चरिताराहणावि, जस्स णं भंते ! उक्कोसिया णाणाराहणा तस्स उक्कोसिया दंसणाराहणा जस्स उक्कोसिया दंसणाराहणा तस्स उक्कोसिया णाणाराहणा ?, गोयमा ! जस्स उक्कोसिया णाणाराहणा तस्स दंसणाराहणा उक्कोसिया वा अजहन्नमणुक्कोसिया वा, जस्स पुण उक्कोसिया दंसणाराहणा तस्स नाणाराहणा उक्कोसा वा जहन्ना वा अजहन्नमणुक्कोसा वा, जस्स णं भंते ! उक्कोसिया णाणाराहणा तस्स उक्कोसिया चरिताराहणा जस्सुक्कोसिया चरिताराहणा तस्सुक्कोसिया गाणाराहणा ?, जहा उक्कोसिया णाणाराहणा य दंसणाराहणा य भणिया तहा उक्कोसिया नाणाराहणा य चरिताराहणा य भाणियव्वा, जस्स गं भंते ! उक्कोसिया दंसणाराहणा तस्सुको सिया चरिताराहणा जस्सुकोसिया चरिताराहणा तस्सुक्कोसिया दंसणाराहणा ?, गोयमा ! जस्स उक्कोसिया दंसणाराहणा तस्स चरिताराहणा | उक्कोसा वा जहन्ना वा अजहन्नमणुक्कोसा वा जस्स पुण उक्कोसिया चरिताराहणा तस्स दंसणाराहणा नियमा उक्कोसा, उक्कोसियं णं भंते! गाणाराहणं आराहेता कतिहिं भवग्गहणेहिं सिज्झति जाव अंतं करेंति ?, गोयमा ! अत्थेगइए तेणेव भवग्गहणेणं सिज्झति जाव अंत | करेंति अत्थे गतिए दोच्चेणं भवग्गहणेणं सिज्यंति जाव अंतं करेंति, अत्थेगतिए कम्पोवएस वा कप्पातीएस वा उववजंति, उक्कोसिय णं भंते! दंसणाराहणं आहेत्ता कतिहिं भवग्गहणेहिं० एवं चेव, उक्कोसियण्णं भंते ! चरिताराहणं आहेता० एवं चेव, नवरं ॥ श्रीभगवती सूत्रं ॥
२८१
पू. सागरजी म. संशोधित
For Private And Personal Use Only
