________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
जंबुद्दीवे २ जाव विसेसाहिए परिक्खेवेणं पं०, देवे णं महिड्डीए जाव महाणुभागे एगं महं सविलेवणं गंधसमुग्गगं गहाय तं अवद्दालेति ता जाव इणामेवत्तिकट्टु केवलकप्पं जंबुद्दीवं २ तिहिं अच्छरानिवाएहिं तिसत्तखुतो अणुपरियट्टि ताणं हव्वमागच्छेजा, से नूणं गोयमा ! से केवलकप्पे जंबुद्दीवे २ तेहिं घाणयोग्गलेहिं फुडे ?, हंता फुडे, चक्किया णं गोयमा ! केति तेसिं घाणपोग्गलाणं कोलट्ठियामायमवि जाव उवदंसित्तए ?, णो तिट्टे समट्ठे से तेणद्वेणं जाव उवदंसेनए ॥ २५४ ॥ जीवे णं भंते! जीवे? जीवे जीवे ? गोयमा ! जीवे ताव नियमा जीवे जीवेऽवि नियमा जीवे, जीवे णं भंते! नेरइए नेरइए जीवे?, गोयमा ! नेरइए ताव नियमा जीवे जीवे पुण सिय नेरइए सिय अनेरइए, जीवे णं 'असुरकुमारे असुरकुमारे जीवे?, गोयमा ! असुरकुमारे ताव नियमा जीवे जीवे पुण सिय असुरकुमारे सिय णो असुरकुमारे, एवं दंडओ भाणियव्वो जाव वेमाणियाणं, जीवति भंते! जीवे? जीवे जीवति ?, गोयमा ! जीवति ताव नियमा जीवे जीवे पुण सिय जीवति सिय नो जीवति, जीवति भंते! नेरइए ?, नेरइए जीवति ?, गोयमा ! नेरइए ताव नियमा जीवति जीवति पुण सिय नेरइए सिय अनेरइए, एवं दंडओ नेयव्वो जाव वेमाणियाणं, भवसिद्धीए णं भंते! नेरइए नेरइए भवसिद्धीए ?, गोयमा ! भवसिद्धिए सिय नेरइए सिय अनेरइए नेरइएऽविय सिय भवसिद्धीए सिय अभवसिद्धीए, एवं दंडओ जाव वेमाणियाणं ॥ २५५ ॥ अन्नउन्थिया गं भंते! एवमाइक्खति जाव परुवेंति एवं खलु सव्वे पाणा भूया जीवा सत्ता एगंतदुक्खं वेयणं वेयंति, से कहमेयं भंते! एवं? गायमा! जन्नं ते अन्नउत्थिया जाव भिच्छं ते एवमाहंसु, अहं पुण गोयमा ! एवमाइक्खामि जाव परुवेभि अत्येगइया पाणा भूया जीवा स
॥ श्रीभगवती सूत्रं ॥
१८८
५. सागरजी म. संशोधित
For Private And Personal Use Only
