________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| धम्मखेडं चम्मखेडं पत्तच्छेज्जं कडगच्छेजं ७० सजीवनिज्जीवं सउणरुयं ७२ संमुच्छिमखहयर पंचिदियतिरिक्खजोणियाणं उक्कोसेणं || बावत्तरिं वाससहस्साइं ठिई पं० । ७२ । हरिवासरम्मयवासयाओ णं जीवाओ तेवत्तरिं २ जोयणसहस्साइं नव य एगुत्तरे जोयणसए सत्तरस य एगूणवीसइ भागे जोयणस्स अद्धभागं च आयामेणं पं०, विजए णं बलदेवे तेवत्तरिं वासस्यसहस्साइं सव्वाउयं पालइत्ता सिद्धे जावप्पहीणे । ७३ । थेरे णं अग्गिभूई गणहरे चोवत्तरिं वासाइं सव्वाउयं पालइत्ता सिद्धे जावप्पहीणे, निसहाओ णं वासहरपव्वयाओ तिगिच्छिओ णं दहाओ सीतोया महानदी चोवत्तरिं जोयणसयाई साहियाई उत्तराहिमुही पवहित्ता वइरामयाए जिब्भियाए चउजोयणायामाए पन्नासजोयणविक्खंभाए वइरतले कुंडे महया (दुहओ पा० ) घडमुहपवत्तिएणं मुत्तावलिहार संठगणसंठिएणं पवाएणं महया सद्देणं पवडइ, एवं सीतावि दक्खिणाहिमुही भाणियव्वा, चउत्थवज्जासु छसु पुढवीसु चोवत्तरिं नरयावाससयसहस्सा पं० । ७४ । सुविहिस्स णं पुष्पदंतस्स अरहओ पन्नत्तरि जिणसया होत्था, सीतले णं अरहा पन्नत्तरि पुव्वसहस्साई अगारवासमझे वसित्ता मुंडे भवित्ता जाव पव्वइए, संती णं अरहा पन्नत्तरिवाससहस्साइं अगारवासमझे वसित्ता मुंडे भवित्ता अगाराओ अणगारियं पव्वइए । ७५ । छावत्तरिं विज्जुकुमारावासस्यसहस्सा पं० एवं - दीवदिसाउदहीणं विज्जुकुमारिंदथणियमग्गीणं । छण्हंपि जुगलयाणं छावत्तरि सयसहस्साइं ॥६१ ॥ । ७६ । भरहे राया चारंतचक्कवट्टी सत्तहत्तरं पुव्वसयसहस्साइं कुमारवासमझे वसित्ता महारायाभिसेयं संपत्ते, अङ्गवंसाओ णं सत्तहत्तरि रायाणों मुंडे जाव पव्वइया, गद्दतोयतुसिया णं देवा णं सत्तहत्तरिंदेवसहस्सपरिवारा पं०, एगमेगे णं मुहुत्ते सत्तहत्तरिलवे पू. सागरजी म. संशोधित
॥ श्रीसमवायाङ्ग सूत्रं ॥
५५
For Private And Personal Use Only
