________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
राइड्ढी गणिड्ढी १ देविड्ढी तिविहा पं०त० -विमाणिड्ढी विगुव्वणिड्ढी परियारणिड्ढी २ अहवा देविड्ढी तिविहा पं०त० - सचित्ता अचित्ता मीसिता ३ राइड्ढी तिविधा पं०त० - रन्नो अतियाणिड्ढी रन्नो निज्जाणिड्ढी रण्णो बलवाहणकोसकोट्ठागारिड्ढी ४ अहवा रातिड्ढी तिविहा पं०तं० सचित्ता अचित्ता मीसिता ५ गणिड्ढी तिविहा पं०तं० - णाणिड्ढी दंसणिड्ढी चरित्तिड्ढी ६ अहवा गणिड्ढी तिविहा पं०त० - सचित्ता अचित्ता मीसिया ७ | २१४ । ततो गारवा पं० तं० इड्ढीगारवे रसगारवे सातागारवे । २१५। तिविधे करणे पं०त० - धम्भिते करणे अधम्मिए करणे धम्मिताधम्मिए करणे । २१६ । तिविहे भगवता धम्मे पं०नं० - सुअधिज्झिते सुज्झातिते सुतवस्सिते, जया सुअधिज्झितं भवति तदा सुज्झातियं भवति, जया सुज्झातितं भवति तया सुतवस्सियं भवति, से सुअधिज्झिते सुज्झातिते सुतवस्सिते सुतक्खाते णं भगवता धम्मे पण्णत्ते । २१७ । तिविधा वावत्ती पं०त० - जाणू अजाणू वितिमिच्छा, एवमज्झोववज्जणा परियावजणा । २१८ । तिविधे अंते पं० नं० - लोगंते वेयंते समयंते । २१९ । ततो जिणा पं० नं० - ओहिणाणजिणे मणपजवणाणजिणे केवलणाणजिणे १, ततो केवली पं० नं० - ओहनाणकेवली मणपज्जवनाणकेवली केवलनाणकेवली २, तओ अरहा पं०त० - ओहिनाणअरहा मणपज्जवनाणअरहा केवलनाणअरहा ३ । २२० । ततो लेसाओ दुब्भिगंधाओ पं०त० कण्हलेसा णीललेसा काउलेसा १, तओ लेसाओ सुब्भिगंधातो पं०तं० तेऊ० पम्ह० सुक्कलेसा २ एवं दोग्गतिगामिणीओ ३ सोगतिगामिणीओ ४ संकिलिट्ठाओ ५ असंकि लिट्ठाओ ६ अमणुन्नाओ ७ मणुन्नाओ ८ अविसुद्धाओ ९ विसुद्धाओ १० अप्पसत्थाओ ११ पसत्थाओ पू. सागरजी म. संशोषित
॥ श्रीस्थानाङ्ग सूत्रं ॥
५९
For Private And Personal
