________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
पच्छा पोसिज्जा नालं ते तव ताणाए वा सरणाए वा तुमंपि तेसिं नालं ताणाए वा सरणाए वा । ६७। उवाइयसेसेण वा संनिहिसंनिचओ किज्जइ इहमेगेसिं असंजयाण भोयणाए तओ से एगया रोगसमुष्याया समुष्पजंति जेहिं वा सद्धिं संवसइ तं वा णं एगया नियगा तं पुव्विं परिहरति सो वा ते नियगे पच्छा परिहरिज्जा नालं ते तव ताणाए वा सरणाए वा तुमंपि तेसिं नालं ताणाए वा सरणाए वा । ६८ । जाणितु दुक्खं पत्तेयं सायं ६९ । अणभिक्कतं च खलु वयं सपेहाए (७० । खणं जाणाहि पंडिए । ७१ । जाव सोयपरिण्णाणा अपरिहीणा नैत्तपरिण्णाणा अपरिहीणा घाणपरिण्णाणा अपरिहीणा जीहपरिण्णाणा० फरिस० इच्चेएहिं विरूवरूवेहिं पण्णाणेहिं अपरिहीणेहिं आयटुं संमं समणुवासिज्जासि त्तिबेमि । ७२ । अ० २३०१ ॥
अरई आउट्टे से मेहावी, खणंसि मुक्के (७३) अणाणाय पुट्ठावि एगे नियति, मंदा मोहेण पाउडा, अपरिग्गहा भविस्सामो समुट्ठाय लद्धे कामे अभिगाहइ, अणाणा मुणिणो पडिलेहंति, इत्थ मोहे पुणो पुणो सन्ना नो हव्वाए नो पाराए । ७४ । विभुत्ता हु ते जणा जे जणा पारगामिणो, लोभमलोभेण दुर्गुछमाणे लद्धे कामे नाभिगाहइ । ७५। विणावि (पा० विणइत्तु) लोभं निक्खम्म एस अकम्मे जाणइ पासइ पडिलेहाए नावकखइ एस अणगारिति पवुच्चइ, अहो य राओ परितप्यमाणे कालाकालसमुट्ठाई संजोगट्ठी | अट्ठालोभी आलूंपे सहसक्कारे विणिविट्ठचित्ते इत्थ सत्थे पुणो पुणो से आयबले से नाइबले से सयणबले से मित्तबले से पिच्चबले से देवबले से रायबले से चोरबले से अतिहिबले से किविणबले से समणबले इच्चेएहिं विरूवरूवेहिं कज्जेहिं दंडसमायाणं सपेहाए भया
॥ श्री आचाराङ्ग सूत्रं ॥
११
પૂ. સાગરની મ. સંશોધિત
For Private And Personal Use Only
