________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
से बेमि णेव सयं लोगं अब्भाइक्खेज्जा णेव अत्ताणं अब्भाईक्खेज्जा जे लोयं अम्माईक्खड़ से अत्ताणं अब्भाइक्खड़ जे | अत्ताणं अब्भाइक्खड़ से लोयं अब्भाइक्खड़ । ३२ । जे दीहलोगसत्यस्स खेयण्णे से असत्यस्स खेयण्णे जे असत्थस्स खेयण्णे से |दीहलोगसत्थस्स खेयण्णे । ३३ । वीरेहिं एयं अभिभूय दिट्ठ संजएहिं सया जत्तेहिं सया अप्पमत्तेहिं । ३४। जे पमत्ते गुणट्ठिए से हु दंडेत्ति पवुच्चइ । ३५ । तं परिण्णाय मेहावी इयाणिं णो जमहं पुव्वमकासी पमाएणं । ३६ । लज्जमाणा पुढो पास अणगारा मोत्ति एगे पवदमाणा जमिणं विरूवरूवेहिं सत्थेहिं अगणिकम्मसमारम्भेणं अगणिसत्त्थं समारभमाणे अण्णेवि अणेगरूवे पाणे विहिंसति, तत्थ खलु भगवता परिण्णा पवेदिता इमस्स चेव जीवियस्स परिवंदणमाणणपूयणाए जाइमरणमोयणाए दुक्खपडिघायहेउं से सयमेव अगणिसत्थं समारभई अण्णेहिं वा अगणिसत्थं समारंभावेइ अण्णेवा अगणिसत्थं सभारममाणे समणुजाणइ तं से अहियाए तं से अबोहियाए से तं संबुज्झमाणे आयाणीयं समुट्ठाय सोच्चा भगवओ अणगाराणं वा अंतिए इहमेगेसिं णायं भवति एस खलु गंथे एस खलु मोहे एस खलु मारे एस खलु णरए इच्चत्थं गड्ढिए लोए जमिणं विरूवरूवेहिं सत्थेहिं, अगणिकम्मं समारंभमाणे अण्णे अगरूवे पाणे विहिंसइ । ३७। से बेमि संति पाणा पुढवीनिस्सिया तणणिस्सिया पत्तणिस्सिया कट्ठनिस्सिया गोमयणिसिस्सया, कयवरणिस्सिया संति संपातिमा पाणा आहच्च संपयंति, अगणिं च खलु पुट्ठा एगे संघायमावज्जंति, जे तत्थ संघायमावज्जंति ते तत्थ परियावज्जति जे तत्थ परियावज्जंति ते तत्थ उद्यायंति । ३८ । एत्थं सत्थं समारंभमाणस्स इच्चेते आरंभ अपरिण्णाया भवंति, एत्थं सत्थं पू. सागरजी म. संशोधित
॥ श्रीआचाराङ्ग सूत्रं ॥
For Private And Personal Use Only
