________________
Shri Mahavir Jain Aradhana Kendra
www.kobetirth.org
Acharya Shri Kailassagarsuri Gyanmandir
||से अत्ताणं अब्भाइक्खइ जे अत्ताणं अब्भाइक्खइ से लोयं अब्भाइकखइ २३।लजमाणा पुढो पास अणगारा मोत्ति एगे पवयमाणा जमिणं विरुवरूवेहिं सत्थेहिं उदयकम्मसमारंभेणं उदयसत्थं समारंभमाणे (प्र० अण्णे) अणेगरूवे पाणे विहिंसइ । तत्थ खलु भगवता परिण्णा पवेदिता इमस्सचेव जीवियस्स परिवंदणमाणणपूयणाए जाइमरणमायणाए दुक्खपडिधायहे से सयमेव उदयसत्थं समारंभति अण्णेहिं वा उदयसत्थं समारंभावेति अण्णे वा उदयसत्थं समारंभंते समणुजाणति, तं से अहियाए तं से अबोहीए, से तं संबुज्झमाणे आयाणीयं समुट्ठाय सोच्चा भगवओ अणगाराणं वा अंतिए इहमेगेसिंणायं भवति एस खलु गंथे एस खलु मोहे एस खलु मारे एस खलु णरए इच्चत्थं गड्डिए लोए जमिणं विरूवरूवेहि सत्थेहिं उदयकम्मसमारम्भेणं उदयसत्थं समारंभमाणे अण्णे अणेगरूवे पाणे विहिंसइ से बेमि संति पाणा उदयनिस्सिया जीवा अणेगे । २४१ इहं च खलु भो ! अणगाराणं उदयं जीवा वियाहिया १२५ ।। सत्थं चेत्थं अणुवीइ पास पुढो सत्थं पवेइयं (पुढो पासं पवेदितं पा०)।२६। अदुवा अदिनादाणं । २७ कम्पइ णे कप्पइ णे पाउं अदुवा विभूसाए । २८१ पुढो सत्थेहिं विउद॒ति ।२९। एत्थवि तेसिं नो निकरणाए ।३० एत्थ सत्थं समारभमाणस्स इच्चेए आरंभा अपरिण्णाया भवंति, एत्थं सत्थं असमारभमाणस्स इच्छेते आरंभा परिणाया भवंति, तं परिण्णाय मेहावी णेव सयं उदयसत्थं समारभ्भेजा णेवऽण्णेहि उदयसत्थं समारंभावेजा उदयसत्थं समारंभतेऽवि अण्णे ण समणुजाणेजा, जस्सेते उदयसत्थसमारंभा परिण्णाया भवंति से हु मुणी परिणणात कम्भेत्तिबेमि ।३११ अध्ययने तृतीयोद्देशकः॥ ॥श्रीआचाराङ्ग सूत्र॥
| पू. सागरजी म. संशोधित |
For Private And Personal Use Only
