________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
| उत्तरिजा, तओ सं० गामा० दू० ॥ से भिक्खू वा० गा० दूइज्जमाणे अंतरा से जवसाणि वा सगडाणि वा रहाणि वा सचक्वाणि वा परचक्वाणि वा सेणं वा विरूवरूवं संनिरुद्धं पेहाए सइ परक्कमे सं० नो 30, से णं परो सेणागओ वइज्जा आउसंतो, एस णं समणे सेणाए अभिनिवारियं करेइ, से गं बाहाए गहाय आगसह, से णं परो बाहाहिं गहाय आगसिज्जा, तं नो सुमणे सिया जाव समाहीए, तओ सं० गामा० दू० । ३४८ । से भिक्खू वा० गामा० दूइज्माणे अंतरा से पाडिवहिया उवागच्छिज्जा, ते णं पाडिवहिया एवं वड़ज्जा आउ० समणा, केवइए एस गामे वा जाव रायहाणी वा केवइया इत्थ आसा हत्थी गामपिंडोलगा मणुस्सा परिवसंति ? से बहुभत्ते बहुउदए बहुजणे बहुजवसे से अप्पभत्ते अप्पुदए अप्पजणे अप्पजवसे ?, एयष्पगाराणि परिणाणि (नो) पुच्छिज्जा, एयप्प० पुट्टो वा अपुट्ठो वा नो वागरिज्जा, एवं खलु० जं सव्वद्वेहिं० । ३४९ । अ० ३३०२ ॥
से भिक्खू वा० गामा० दूइज्जमाणे अंतरा से वप्पाणि वा जाव दरीओ वा जाव कूडागाराणि वा पासायाणि वा नूमगिहाणि वा रुक्खगिहाणि वा पव्वयगिरुक्खं वा चेझ्यकडं थूभं वा चेझ्यकडं आएसणाणि वा जाव भवणगिहाणि वा नो बाहाओ पगिज्झिय | २ अंगुलिआए उद्दिसिय २ ओणमिय २ उन्नमिय २ निज्झाइज्जा, तओ सं० गामा० ॥ से भिक्खू वा० गामा० दू० माणे अंतरा से कच्छाणि वा दवियाणि वा नूमाणि वा वलयाणि वा गहणाणि वा गहणविदुग्गाणि वा वणाणि वा वणवि० पव्वयाणि वा पव्वयवि० अगडाणि वा तलागाणि वा दहाणि वा नईओ वा वावीओ वा पुक्खरिणीओ वा दीहियाओ वा गुंजालियाओ वा सराणि वा
॥ श्री आचाराङ्ग सूत्रं ॥
८८
पू. सागरजी म. संशोधित
For Private And Personal Use Only
