________________
Shri Mahavir Jain Aradhana Kendra
www.kobatirth.org
से भिक्खू वा० से जं पुण जाणिज्जा रसेसिणो बहवे पाणा घासेसणाए संथडे संनिवइए पेहाए तंजहाकुक्कुडजाइयं वा सूयर जाइयं वा अग्गपिंडंसि वा वायसा संथडा संनिवइया पेहाए सइ परक्कमे संजयामेव परक्कमेज्जा, नो उज्जुयं गच्छिज्जा । २५४ । से भिक्खू वा २ जाव नो गाहावइकुलस्स वा दुवारसाहं अवलंविय २ चिट्ठिजा नो गा० दगच्छड्डणमत्तए चिट्ठिज्जा० नो गा० चंदणिउयए चिट्टिज्जा, नो गा० सिणाणस्स वा वच्चस्स वा संलोए सपडिदुवारे चिट्ठिज्जा नो० आलोयं वा थिग्गलं वा संधि वा दगभवणं वा बाहाओ पगिज्झिय २ अंगुलियाए वा उद्दिसिय २ उण्णमिय २ अवनमिय २ निज्झाइज्जा, नो गाहावई अंगुलियाए उद्दिसिय २ जाइजा० नो गा० अंगुलिए चालिय २ जाइज्जा० नो गा० अं० तज्जिय २ जाइज्जा नो गा० अं० उक्खुलंपिय (उक्खलुंदिय) २ जाइज्जा, नो गाहावई वंदिय २ जाइज्जा, नो वयणं फरुसं वइज्जा । २५५ । अह तत्थ कंचि भुंजमाणं पेहाए गाहावई वा जाव कम्मकरिं वा से पुव्वामेव आलोइज्जा आउसोत्ति वा भइणित्ति वा दाहिसि मे इत्तो अन्नयरं भोयणजायं ? से सेवं वयंतस्स परो हत्थं वा मत्तं वा दव्विं वा भायणं वा सीओदगवियडेण वा उसिणोदगवियडेण वा उच्छोलिज्ज वा पहोइज्ज वा, से पुव्वामेव आलोइज्जा आउसोति वा भइणित्ति वा मा एयं तुमं हत्थं वा० ४ सीओदगवियडेण वा २ उच्छोलेहि वा २, अभिकंखसि मे दाउँ एवमेव दलयाहि से सेवं वयंतस्स परो हत्थं वा ४ सीओ उसि० उच्छोलित्ता पहोइत्ता आहट्टु दलइज्जा, तहष्पगारेणं पुरेकम्मकरणं हत्थेणं वा ४ असणं वा ४ अफासुयं जाव नो पडिगाहिज्जा, अह पुण एवं जाणिजा नो पुरेकम्मकएणं०, उदउल्लेणं तहम्पगारेणं वा उदउल्लेण वा हत्थेण वा ४
॥ श्री आचाराङ्ग सूत्रं ॥
पू. सागरजी म. संशोधित
५९
Acharya Shri Kailassagarsuri Gyanmandir
For Private And Personal Use Only
