________________
Shri Mahavir Jain Aradhana Kendra
www.kobatirth.org
Acharya Shri Kalassagarsuri Gyanmandir
|१०९। पासिय आउर (५० रिह ) पाणे अप्पमत्ता परिव्वए, मंता य मइमं पास, आरंभजं दुक्खमिणंति णच्चा, माइ पमाई पुण एइ||
गब् , उवेहमाणो सहरूवेसु उज्जू माराभिसंकी मरणा पमुच्चई अप्पमत्तो कामेहिं उवओ पावकम्भेहिं वीरे आयगुत्ते खेयने, जे पजवजायसत्थस्सखेयण्णे से असत्थस्स खेयण्णे जे असत्थस्स खेयण्णे से पज्जवजायसत्थस्स खेयने, अकम्मस्स ववहारो न विजइ, कम्य (प्र०म्म) णा उवाही जायइ, कम्मच पडिलेहाए।११० कम्ममूलं (कम्माहूय पा०)च जंछणं, पडिलेहिय सव्वं समायाय दोहिं अंतेहिं अदिस्समाणे तं परित्राय मेहावी विइत्ता लोग वंता लोगसन्नं से मेहावी परिक्कमिज्जासित्तिबेमि ॥१११।१० ३ ३० १॥
___ जाइंच वुड्ढि च इहऽज्ज ! पासे, भूएहिं जाणे पडिलेह सायं । तम्हाऽतिविजे परमंतिणच्चा, संभत्तदंसी न करेइ पावं ॥४॥ उन्मुंच पास इह मच्चिएहिं, आरंभजीवी उभयाणुपस्सी । कामेसु गिद्धा निचयं करंति, संसिच्चमाणा पुणरिति गब्भं ॥५॥ अवि से हासमासज्ज, हंता नंदीति मन्नई। अलं बालस्स संगणं, वे वड्ढेइ अप्पणो ॥६॥ तम्हाऽतिविजो परमंतिणच्चा, आयंकदंसीन रे पावं । अग्गं च मूलं च विगिंच धीरे, पलिच्छिंदिया णं निकम्मदंसी ॥७॥ एस भरणा पमुच्चइ, से हु दिट्ठभए मुणी लोगसि परमदंसी विवित्तजीवी उवसंते समिए सहिए सया जए कालकंखी परिव्वए, बहुं च खलु पावं कम्मं पगडं । ११२। सच्चमि धिई कुव्वहा, एत्थोवरए मेहावी सव्वं पावं कम्मं झोसइ १११३ ।अणेगचित्ते खलु अयं पुरिसे, से केयणं अरिहए पुरित्तए से अण्णवहाए अण्णपरियावाए अण्णपरिग्गहाए जणव्यवहाए जणवयपरियावाए जणवयपरिग्गहाए।११४ आसेवितां एतं (व) अटुं इच्चेवेगे समुट्ठिया तम्हा तं ॥श्रीआचाराङ्ग सूत्र
पू. सागरजी म. संशोधित
For Private And Personal Use Only
