________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
||जलयरं वा से आइक्खह दंसेह, तं नो अईक्खिजा नो दंसिजा, नो तस्स तं परिनं परिजाणिज्जा, तुसिणीए उवेहिजा, जाणं वा| नोजाणंति वइज्जा, तओ सं० गामा० दू० ॥से भिक्खू वा० गा० दू० अंतरा से पाडि० उवा० ते णं पा० एवं वइज्जा आउसं० ! अवियाई इत्तो पडिवहे पासह उदगपसूयाणि कंदाणि वा मूलाणि वा तया पत्ता पुष्फा फला बीया हरीया उदगं वा संनिहियं अगणिं वा संनिक्खित्तं से आइक्खह जाव दूइजिजा ॥से भिक्खू वा० गामा० दूइज्जमाणे अंतरा से पाडि० उवा०, ते णं पाडि० एवं० आउ० स० अवियाई इत्तो पडिवहे पासह जवसाणि वा जाव सेणं वा विरूवरूवं संनिविठं से आइक्खह जाव दूइजिजा ॥से भिक्खू वा० गामा०| दूइजमाणे अंतरा पा० जाव० आउ० स० केवइए इत्तो गामे वा जाव रायहाणीवा से आइक्खह जाव दूइजिजा से भिक्खू वा २ गामाणुगामं दूइजेजा० अंतरा से पाडिपहिया० आउसंतो समणा ! केवइए इत्तो गामस्स वा नगरस्स वा जाव रायहाणीए वा मग्गे से आइक्खह० तहेव जाव दूइजिजा । ३५२।से भिक्खू० गा० दू० अंतरा से गोणं वियालं पडिवहे पेहाए जाव चित्तचिल्लडं वियालं ५० पेहाए नो तेसिं भीओ उम्मग्गेणं गच्छिज्जा नो मग्गाओ उम्मग्गं संकमिजा नो गहणं वा वणं वा दुग्गं । अणुपविसिजा नो रुक्खंसि दुरूहिज्जा नो महइमहालयंसि उदयंसि कायं विउसिज्जा नो वाडं वा सरणं वा सेमं वा सत्थं वा कंखिजा अप्पुस्सुए जाव समाहीए तओ संजयामेव गामाणुगामं दूइजिज्जा ॥से भिक्खू० गामाणुगामं दूइज्जमाणे अंतरा से विहं सिया, से जंपुण विहं जाणिजा इमंसि खलु विहंसि बहवे आमोसगा उवगरणपडियाए संपिडिया० गच्छिज्जा, नो तेसिं भीओ उम्मग्गेण गच्छिज्जा जाव समाहीए तओ संजयामेव || ॥श्रीआचाराङ्ग सूत्र॥
[पू. सागरजी म. संशोषित
For Private And Personal Use Only
