________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मेरूओ पण्णासं, दिसि विदिसि गंतु भद्दसालवणे । चउरो सिद्धाययणा, दिसासु विदिसासु पासाया ॥३२१ ॥ छत्तीसुच्चा पणुवीस-वित्थडा दुगुणमाययाऽययणे । चउवाविपरिक्खित्ता, पासाया पंचसयमुच्चा ॥ ३२२ ॥ दीहाओ पण्णासं, पणुवीसं जोयणाणि विच्छिण्णा । दसजोयणावगाढा, जंबूवावीसरिसनामा
॥३२३ ॥ ईसाणस्सुत्तरिया, पासाया दाहिणा य सक्कस्स । अट्ठदिसि हथिकूडा, सीयासीओयाउभयकूले ।। ३२४ ॥ दो दो चउद्दिसि मंदरस्स हिमवंतकूडसमकप्पा। पउमोत्तरोऽत्थ पढमो, सीयापुव्वुत्तरे कूले
॥ ३२५ ॥ तत्तो य नीलवंतो, सुहत्थि तह अंजणगिरी कुमुए। तह य पलास वडिसे, अट्ठमए रोयणगिरी य ॥ ३२६ ॥ पंचेव जोयणसए, उ8 गंतूण पंचसयपिहुलं । नंदणवणं सुमेरुं, परिक्खित्ता ट्ठियं रम्म
।। ३२७॥ बाहिं गिरिविक्खंभो, तहियं नवनवइजोयणसयाई । चउपण्णं जोयणाणि य, एक्कारस भाग छच्चेव ॥ ३२८ ॥ अउणानउइ सयाई, चउपण्णहियाई नंदणवणम्मि। अंतो गिरिविक्खंभो, एक्कारसभाग छच्चेव
॥३२९ ॥ इगतीस सहस्साई, चत्तारि सयाई अउणसीयाई। बाहिं नगस्स परिही, सविसेसा नंदणवणम्मि ॥ ३३० ॥ अट्ठावीस सहस्सा, तिण्णि सया जोयणाण सोलहिया। अंतोगिरिस्स परिरओ, एक्कारसभाग अटेव ।। ३३१ ॥ सिद्धाययणा चउरो, पासाया वाविओ य कूडा य । जह चेव भद्दसाले, नवरं नामाणिसिं इणमो
॥ ३३२ ॥
૨૫
For Private And Personal Use Only
