________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नव जोयण विच्छिण्णा, बारस दीहा पुरी अउज्झ त्ति । जम्मद्ध भरह मज्झे, एरवयद्धेऽवि एमेव
॥१७७ ॥ पणुवीसइमुव्विद्धो, पण्णासं जोयणाणि विच्छिण्णो । वेयड्ढो रययमओ, भारहखित्तस्स मज्झम्मि
|| १७८ ॥ पण्णास जोयणाई, दीहाओ अट्ठ जोयणुच्चाओ। बारस वित्थाराओ, वेयड्ढगुहाओ दो होति
॥ १७९॥ तिमिसगुहा अवरेणं, पुव्वेण नगस्स खंडगपवाया। चउ जोयण विच्छिण्णा, तदुगुणुच्चा य सिं दारा ॥ १८० ॥ तिमिसगुह पुरच्छिम पच्छिमेसु कडएसु जोयणंतरिया । तरणि समसंठियाइं, पंचधणुसयायामविक्खंभा ॥१८१ ॥ जोयण उज्जोयकरा, रविमंडलपडिनिकासतेयाई । इगुवण्ण मंडलाइं, आलिहमाणो इहं पविसे ॥ १८२ ॥ पलिओवमठिईया, एएसिं अहिवई महिड्डीया। कयमालनट्टमाल त्ति, नामया दोण्णि देवाओ ॥ १८३॥ सत्तरस जोयणाई, गुहदाराणोभओऽवि गंतूणं । जोयणदुगंतराओ, विउलाओ जोयणे तिण्णि ।। १८४ ॥ गुहविपुलायामाओ, गंगं सिंधुं च ता समप्पिति । पव्वयकडगपवूढा, उमग्गनिमग्गसलिलाओ || १८५ ॥ दो दाहिणोत्तराओ, सेढीओ जोयणे दसुप्पइओ। दस जोयण पिहुलाओ, गिरिवरसमदीहभागाओ ।। १८६ ।। विज्जाहरनगराइं, पण्णासं दक्खिणाए सेढीए। जणवयपरिणद्धाइं, सद्धिं पुण उत्तरिल्लाए
।।१८७ ॥ विज्जाहरसेढीओ, उड़े गंतूण जोयणे दसओ । दसजोयणपिहुलाओ, सेढीओ सक्करायस्स
।। १८८॥
૨૮૩
For Private And Personal Use Only
