________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कुडेसु सेसएसु य, बावट्ठी जोयणाणि अद्धं च । उव्विद्धा पासाया, तस्सद्धं होति विच्छिण्णा ॥ १६५ ॥ मज्झे वेयड्डाण उ, कणगमया तिण्णि तिण्णि कूडाओ। सेसा पव्वयकूडा, रयणमया होति नायव्वा
॥ १६६॥ वेयड्ढाइसु पुव्वेण, कुरुगिरिसु सुदंसणो जत्तो। सीयासीओयाओ, जत्तो वक्खारजिणकूडा
॥ १६७॥ पउमे य महापउमे, तिगिच्छी केसरी दहे चेव । हरए महापुंडरीए, पुंडरिए चेव य दहाओ
॥ १६८॥ जोयणसहस्स दीहा, बाहिरहरया तयद्ध विच्छिण्णा । दो दो अभिंतरया, दुगुणा दुगुण प्पमाणेणं
॥१६९ ॥ एएसु सुरवहूओ, वसंति पलिओवमठिईयाओ। सिरि हिरि धिइ कित्तीओ, बुद्धी लच्छी सनामाओ ॥१७० ॥ गंगासिंधू तह रोहियंसरोहियनई य हरिकंता । हरिसलिला सीओया, सत्तेया हुंति दाहिणओ ॥ १७१ ।। सीया य नारिकंता, नरकंता चेव रुप्पिकूला य । सलिला सुवण्णकूला, रत्तवईरत्ता उत्तरओ
॥ १७२ ॥ हेमवए रण्णवए, हरिवासे रम्मए य रयणमया। चत्तारि वट्टवेयड्ड-पव्वया पल्लयसरिच्छा
॥ १७३ ॥ सद्दावइ वियडावई, गंधावइ मालवंत परियाये । जोयणसहस्समुच्चा तावइयं चेव विच्छिण्णा ।। १७४ ॥ इगतीस जोयण सए, बावट्ठ परिरएण नायव्वा । साई अरुणे पउमे, पहास देवा अहिवई एसिं ॥ १७५ ॥ चोद्दस हियं सयं जोयणाण एक्कारसेव य कलाओ। वेयड्डदाहिणेणं, गंतुं लवणस्स उत्तरओ
।। १७६॥
૨૮૨
For Private And Personal Use Only
