________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तिरियाण वि ठिइपमुहं, भणियमसे संपि संपयं वुच्छं। अभिहिय दारब्भहियं, चउगइ जीवाण सामण्णं || ३१२ ॥ देवा असंख नर तिरि, इत्थी'वेय गब्भ नर तिरिया। संखाउया तिवेया, नपुंसगा नारयाईया
॥३१३ ॥ आयंगुलेण वत्थु, सरीरसुस्सेह अंगुलेण तहा । नग पुढवि विमाणाई, मिणसु पमाणंगुलेणं तु || ३१४ ॥ सत्थेण सुतिक्खेण वि, छित्तुं भित्तुं च जं किर न सका। तं परमाणुं सिद्धा, वयंति आई पमाणाणं
।। ३१५ ॥ परमाणू तसरेणू, रहरेणू वालअग्गलिक्खा य । जूय जवो अट्ठगुणो, कमेण उस्सेह अंगुलयं ॥३१६॥ अंगुलछक्कं पाओ, सो दुगुण विहत्थि सा दुगुण हत्थो । चउहत्थं धणु दु सहस, कोसो ते जोयणं चउरो ॥ ३१७॥ चउसयगुणं पमाणं, गुलमुस्सेहंगुलाउ बोधव्वं । उस्सेहंगुलदुगुणं वीरस्सायंगुलं भणियं
॥ ३१८ ॥ पुढवाइसु पत्तेयं, सग वणपत्तेयणंतदस चउदस । विगले दु दु सुर नारय, तिरिचउ चउ चउदस नरेसु
॥३१९ ॥ जोणीण हुंति लत्था, सव्वे चुलसी इहेव घिप्पंति । समवण्णाईसमेया, एगत्तेणेव सामण्णा
॥३२०॥ एगिदिएसु पंचसु, बार सग तिसत्त अट्ठवीसा य । विगलेसु सत्त अड नव, जल खह चउपय उरग भुयगे ॥ ३२१ ॥ अद्धतेरस बारस, दस दस नवगं नरामरे निरए । बारस छवीस पणविस, हुंति कुलकोडि लक्खाइं ॥३२२ ॥ इग कोडि सत्तणवई, लक्खा सड्डा कुलाण कोडीणं । संवुड जोणि सुरेगिदि नारया वियड विगल गब्भुभया ॥ ३२३ ।।
૨૫
For Private And Personal Use Only
