________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तेण जहण्णाइभेयज्झवसायविचित्तयाए अणुभागो। बझंतकम्मत्तणओ जणयइ जहण्णाइभेएहिं ॥१०२६ ।। नाणाभेओ तो किर कसायअणुभागज्झवसायाण । वइचित्तेणं निवित्तियाण कम्माण अणुभागो ॥ १०२७ ॥ होई कसायपच्चय सव्वो ई वण्णियं तहिं बंधे । कारणजुयलं भणियं मिच्छत्तं अविरई चेव ॥१०२८ ॥ पुब्बिं सामण्णेणं भणियं जइवि हु तहा वि किर तेसिं । विरहे वि पमत्ताइसुहुमंतेसुं किर कसाएसु ॥१०२९ ।। ठिइअणुभागा हुंती उवसंताई कसायविरहम्मि। ठिइअणुभागा न हुंति इय अण्णयवइयरेएहिं ।। १०३० ।। ठिइए अणुभागाणं हुंति कसाया पहाणकारणयं । एवं जोगकसाया बंधस्स चउव्विहस्सावि ।। १०३१ ।। हुँतुत्तमकारणयं तेसि सहकारिकारणत्तेणं । वावरमाणाण इहं मिच्छाविरईण अण्णेसिं ।। १०३२ ॥ नाणावरणाईणं तह दव्वखेत्तकालमाईणं । सहकारिकारणत्तं अनिवारियमेव इह होइ
॥ १०३३ ॥ पुव्वदलं वक्खायं जोगा एमाइयाइ गाहाए । तव्वक्खाणे पुव्वं अणेगठाणेसु तह एत्थ
।। १०३४ ॥ तह उत्तरत्थ अप्पयबहुत्तचिंताइसोवओगित्ता । जोगट्ठाणा तह ठिइबंधज्झवसायठाणाओ। ॥ १०३५ ॥ अणुभागबंधज्झवसायठाणया लेसओ उवक्खाया। कम्मपयडिचुण्णीओ वित्थरस्थीहिं तु नेया ॥१०३६ ॥ एवं च विसेसेणं बंधचउक्कस्स हेयवो भणिया। अह बद्धकम्मउदयो जह होई तह उ संखेवा ॥ १०३७ ॥
૧૧૦
For Private And Personal Use Only
