________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ २१ ॥
|| २२ ॥
।। २३ ॥
॥ २४ ॥
॥ २५ ॥
॥२६॥
ता एए वरमुणिणो मणयं पि ह नावमाणणीया ते । उक्खित्तभरुव्वहणे परमसहाया तुह इमे जं जहा विझगिरी आसण्ण-दूरवणवत्तिहत्थिजूहाणं । आधारभावमविसेसमेव उव्वहइ सव्वाणं एवं तुम पि सुंदर ! दूरं सयणेयराइसंकप्पं । मुत्तुमिमाण मुणीणं सव्वाण वि हुज्ज आहारो सयणाणमसयणाणं भूणप्पायाण सयणरहियाण । रोगिनिरक्खरकुक्खीण बालजरजज्जराईणं पेमड्डपिया व पियामहो ऽहवाऽणाहमंडवो वावि । परमोवटुंभकरो सव्वेसि मुणीण होज्ज तुमं तह इह दुसमागिम्हे साहूणं धम्ममइपिवासाणं । परमपयपुरपहाणुगसुविहियचरियापवाइ ठिओ संपाडिज्जऽज्जाण वि किच्चजलं देसणापणालीए । वज्जियसंसग्गीण वि तुममंतेवासिणीउ त्ति तह दुविहो आयरिओ इहलोए तह य होइ परलोए । इहलोए असारिणिओ परलोए फुडं भणंतो य ता भो देवाणुप्पिया परलोए हुज्ज सम्ममायरिओ। मा होज्ज स-परनासी होउं इहलोयआयरिओ तह मण-वइ-काएहिं करिंतु विप्पियसयाई तुह समणा । तेसु तुमं तु पियं चिय करिज्ज मा विप्पियलवं ति निग्गहिऊण अणक्खे अकुणतो तह य एगपक्खित्तं । साहम्मिएसु समचित्तयाइ सव्वेसु वट्टिज्जा सव्वजणबंधुभावारिहं पि इक्कस्स चेव पडिबद्धं । जो अप्पाणं कुणई तओ विमूढो हु को अण्णो
॥ २७॥
॥ २८ ॥
॥ २९ ॥
॥ ३० ॥
॥ ३१ ॥
॥ ३२ ॥
35
For Private And Personal Use Only
