________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
खिज्जइ बलं छुहाए ण य तं जुज्जइ अणंतविरियाणं । इय वुत्तं पि ण सुत्तं बलविरियाणं जओ भेओ ॥ ९६ ॥ बंधो परपरिणामा सो पुण नाणा न वीयमोहाणं । जोगकया वि हु किरिया तो तेसिं होइ णिब्बीया || ९७ ॥ जोगं विणा वि किरिया सहावओ जइ कहण्ण तह सो वि। तुल्लं किर वेचित्तं तह तुल्लमबुद्धिपुव्वत्तं
।। ९८ ॥ एवं सहाववाणी कह जुत्ता जेण तेसि वयजोगो। हेऊ दव्वसुअस्सा पओअणं कम्मखवणा य
।। ९९॥ ण य वयणपयत्तेणं खेअस्सोदीरणं जिणिदस्स । इहरा सुहस्स पावइ तं ण वा अण्णपयडीणं ।। १०० ॥ ण य तं विरियविरहियं जायइ अपवत्तणव्व करणं ति । केवलसहावपक्खे सुगयस्स मयं अणुण्णायं
॥ १०१ ॥ खेओ णोईरिज्जइ केवलिजोगेहि तो विणु पमायं । तुल्लुदयहेउपभवो दीसइ पुण सो वि तत्तुल्लो
॥१०२ ॥ भुत्तीइ सुहुप्पत्ती तं पुण जोगादुदीरियं होज्जा । एसा परजुत्तिलया एएण पकंपिया णेया
॥ १०३ ॥ ण य दुष्पणिहाणं पि हु केवलिजोगाण होइ भुत्तीए । तं रागद्दोसकयं ते पुण तेरि विलीणेति
।। १०४॥ इय सत्तमाइफासगकोडिण्णाईण कवलभोईणं । णेव य दुप्पणिहाणं सुप्पणिहाणस्स माहप्पा
॥ १०५ ॥ हेऊ पमत्तयाए आहारकहेव णेव आहारो । होज्ज जईणईआरो अण्णह तीए व तेणावि
।। १०६॥ णिद्दाए वि ण हेऊ भुत्ती सहयारमेत्तओ तीसे । जेण सुए णिट्ठिा पयडी सा दंसणावरणी
|| १०७॥
For Private And Personal Use Only
